زندگی نے ہمیں ایک سبق ضرور سکھایا ہے کہ ہر انسان اتنی ہی اہمیت کا حق دار ہے جتنی وہ اپنے کردار، اخلاص اور عمل سے ثابت کرے۔ جو لوگ ہماری قدر نہ کریں، ہمارے خلوص کو کمزوری سمجھیں یا صرف اپنی ضرورت کے وقت یاد کریں، انہیں اپنی زندگی کا مرکز بنا لینا خود اپنے ساتھ ناانصافی ہے۔ہم نے اب اپنا ترازو درست کر لیا ہے۔ اب نہ ہم کسی کو اندھا اعتماد دیتے ہیں، نہ بے حساب محبت، نہ بے وجہ وقت۔ جو جیسا ہے، اسے ویسی ہی اہمیت دیتے ہیں۔ کیونکہ حد سے زیادہ دی گئی اہمیت اکثر انسان کو مغرور بنا دیتی ہے، اور آخر میں تکلیف صرف اس شخص کے حصے میں آتی ہے جس نے دل سے رشتہ نبھایا ہوتا ہے۔تلخ حقیقت یہ ہے کہ دنیا میں ہر شخص آپ کی قربانیوں کی قدر نہیں کرتا۔ کچھ لوگ صرف فائدہ اٹھانا جانتے ہیں، احساس نہیں۔ اسی لیے اب ہم نے سیکھ لیا ہے کہ اپنی عزتِ نفس کو کسی کے رویّے پر قربان نہیں کرنا۔اب ہمارا اصول سادہ ہے: قدر اُس کی، جو قدر کرے؛ وقت اُس کے لیے، جو وقت کی قیمت جانے؛ اور اہمیت صرف اُسی کو، جو ہمارے وجود کی اہمیت سمجھے۔ #fryp #urdupoetry #foryoupage #aesthetic #dr_abdullah737 - @dr_abdullah737