@juzmedia: Қазақстандық актер әрі аралас жекпе-жек шебері Еркебұлан Тоқтар IBA Nomad 15 турнирінде ресейлік файтер Артем Тарасовты небәрі 40 секундта техникалық нокаутпен жеңіп, жанкүйерлерді тәнті етті. ⠀ Кездесу ұзаққа созылған жоқ. Жекпе-жек басталғаннан кейін қазақстандық файтер қарсыласына бірден қысым жасап, жойқын соққылар сериясын өткізді. ⠀ Бұл жекпе-жекке дейін екі спортшы арасында әлеуметтік желілерде және көз арбасу рәсімінде тартысты сөз қағысу болған еді. Сондықтан кездесу турнирдің ең көп күткен айқастарының біріне айналды. ⠀ Еркебұлан Тоқтар осылайша кәсіпқой ММА-дегі жеңістер санын 11-ге жеткізді. Соңғы уақытта ол бірнеше қарсыласын мерзімінен бұрын жеңіп, жеңісті сериясын жалғастырып келеді. ⠀ Жекпе-жектен кейін қазақстандық спортшы ресейлік қарсыласына құрмет білдіріп, жанкүйерлерге қолдау көрсеткені үшін алғыс айтты. Ал, Артем Тарасов әлеуметтік желіде Еркебұланнан реванш сұрауға дайын екенін меңзеді. ⠀ Бұған дейін Еркебұлан Тоқтар осы жекпе-жектен алатын гонорарын қайырымдылыққа жұмсайтынын мәлімдеген еді. Спортшы әлеуметтік желіде анасының еміне 50 мың АҚШ доллары қажет екенін айтып көмек сұраған Жасқанат есімді азаматтың отбасына қаржылай қолдау көрсететінін айтып, емге қажет қаражатты толық өз мойнына алған.
