Samaha marnaba laguma khasaaro. inta aad nooshahay waligaa haka tagin samaanta sababtoo ah waxaa macquula maalin ay kugu adagtahay ood u baahantahay cid samaan kuu fasha inaad u baxsato wanaagii aad dadka u samaysay xili kamid ah xiliyadaadii nolosha. samaan laawe ha noqon si aanad u noqon, qof bilaa miciin ah xiliyada adag. Hadii inyar oo kamid ah maalmahaaga aad wanaag fidiso, ood asxaan samayso waa shay wanaagsan ood la baxday oo kuugu jiridoona Khaanada gobbanimada. ka shaqaynta samaanta dadku isku aragti kama ahaan, oo way ku kala leexsanyihiin sidaas daraadeed adigu ahow qofka samaanta badan ee la isu tilmaamo xiliyada adag. sida caadiga ah maalinka aad wajahdo xaalado nololeed oo adag cida aad ugu jeclaan doontaa eed abaalka u hayn doontaa waa qofka samaanta iyo garab istaaga kuu muujiya si'aad uga gudubto xaaladaas nololeed eed wajahayso wakhtigaas. Muhiimadu maahan inaad dhaqaale buuran siiso qofka' e' xiliga uu dhibtoonayo hadaad dhiirigalin oo kaliya siiso, xaaladiisa la socoto, si dhamaystirana uga warqabto waa mid kamid ah samaanaha ama wanaaga qofku la bixi karo. adiga maalmahaaga waxa kuu qurxinayaa waa inaadan waligaa samaan laawe noqon, maalinka qofka uu duruufo wajaho waa inaad ahaato qofka dhankiisa loo soo carari karo. Waligaa, xataa hadaadan awood dhaqaale lahayn siyaabo faro badan ayaad samaan ugu samayn kartaa qofka tabaalaysan. W/Q: Anwar Mahamud Qarayar - @anwar.m..qarayar