@thazin.win162: မင်းသာ ကိုယ်နဲ့ လက်ထပ်ဖြစ်ခဲ့ရင် … မပိုင်ဆိုင်ရလည်း ချစ်ပါတယ်ဆိုတဲ့ စကားဟာ တကယ်တမ်းကျတော့ ပိုင်ဆိုင်ခွင့်မရှိတော့တာသေချာသွားတဲ့အခါမှ ကိုယ့်ကိုယ်ကိုယ် ပြန်နှစ်သိမ့်တဲ့ စကားလုံးမျိုးပါပဲ ဖြစ်နိုင်မယ်ဆိုရင် ဆိုင်လည်း ဆိုင်ချင်သလို ပိုင်လည်းပိုင်ချင်တာပါပဲ ။ ချစ်တယ်ဆိုတဲ့ စကားလုံးရဲ့ မျှော်လင့်ချက်လေးကိုက တစ်နေ့ နီးကြရင်ဆိုတဲ့ အိပ်မက်တွေ ပါသလို ငါတို့ တစ်နေ့ကျရင် ဆိုတဲ့ ပန်းတိုင်တွေဟာလည်း ပါတယ် လေ ။ မင်းသာ ကိုယ်နဲ့ လက်ထပ်ဖြစ်ခဲ့ရင်လေ … မင်းကို သည်းသည်းလှုပ်ဆိုတာထက် ဂရုတစိုက်နဲ့ကို ချစ်ပေးဖြစ်မှာ ။ နေရာတကာ အနားနားရှိနေပေးမှာဖြစ်သလို မှီခိုဆိုတဲ့ ခေါင်းစဉ်လေးမတပ်ပဲ မင်း လုပ်ချင်တဲ့အရာတွေ မင်း ဖြစ်ချင်ခဲ့တဲ့ အိပ်မက်တွေ ပြီးတော့ မလုပ်ဖြစ်ခဲ့တဲ့အရာတွေ အဲ့တာတွေကို အကောင်အထည်ဖော်ပေးဖြစ်မှာ ဒါမှမဟုတ် အားပေးနေမိမှာ ။ တစ်ခါတစ်လေမှာ အဝေးကြီးကို ကြိုတွေးရမှာမို့ မှီခိုဆိုတဲ့ စကားလုံးလေးက သက်သာပေမယ့် နေ့မြင်ညပျောက်တဲ့ ခေတ်ပျက်ကြီးမှာလေ ကိုယ်မှမရှိရင်လို့ တွေးမိရင်တောင် စိတ်ချလက်ချ ထားနိုင်မယ့် အမျိုးသမီးလေး တစ်ယောက်ဖြစ်စေချင်တယ် ။ ကလေးဆန်လို့ရတယ် … ပြီးတော့ ကိုယ့်ကို ဆူပူကြိမ်းမောင်းနိုင်တဲ့အထိ ရင့်ကျက်လို့ရတယ် ။ ရန်ဖြစ်စကားများကြတာတွေရှိမယ် တစ်ယောက်အကြိုက် တစ်ယောက်မလိုက်နိုင်တဲ့ အခိုက်အတန့်တွေ ရှိကောင်းရှိနိုင်တယ် ။ အိမ်ထောင်ပြုတယ်ဆိုတာကလေ သမီးရည်းစားဘ၀တုန်းကလောက် မလွတ်လပ်တော့ပေမယ့် တစ်ယောက်ဘ၀ကို တစ်ယောက် ပိုင်သွားရတဲ့ အနှစ်သာရလေးကို သဘောကျမိတယ် ။ ဘာလုပ်နေလဲဆိုတဲ့ မေးခွန်းလေး မေးစရာမလိုပဲ ငေးကြည့်လို့ရတဲ့အကွာအဝေးမှာပဲ ရှိကြတယ် တစ်ယောက်မရှိပဲ နှစ်ယောက်အတူမဟုတ်ပဲ ခရီးတွေမသွားဖြစ်ဖို့ အတတ်နိုင်ဆုံးကြိုးစားမယ် ။ ကျန်ခဲ့တဲ့သူကို စိတ်ပူနေတာပဲဖြစ်ဖြစ် သွားခဲ့တဲ့သူက နောက်ဆံတင်းနေတာမျိုးပဲဖြစ်ဖြစ် မကြုံစေချင်ဘူး ။ သူငယ်ချင်းတွေနဲ့ အရင်လိုဆက်ဆံရေးမျိုးပဲ ဆက်ပြီးတော့ ရှိစျေင်တယ် ။ တစ်ခါတစ်လေ ကိုယ်နဲ့ စိတ်ကောက်တဲ့အခါ မင်းမှာ တိုင်တောစရာ လူရင်းတွေရှိဖို့ လိုတယ်မဟုတ်လား ။ ဆံပင်အတိုလေးညှပ်ချင်တဲ့အခါ ဘေဘီ့သဘောနော်ဆိုတဲ့စကားလေးသုံးပေးမယ်လေ ရာသီဥတုက ပူတယ်မဟုတ်လား ။ ကိုယ် ဘီယာအေးအေးလေးသောက်တဲ့အခါ ခေါင်းလေးညိမ့်တတ်ဖို့လည်း လိုတယ်လေ ။ နှစ်ယောက်တစ်ဘ၀မို့ တစ်ယောက်ကကြည်ဖြူမှ တစ်ယောက်မှာ ပျော်ရွှင်ရတာမျိုးမို့ ။ တစ်ယောက်နဲ့ တစ်ယောက် ဆင်ဆင်ခြင်ခြင်လေး ချစ်ကြမယ် ။ ဘယ်သူ့မျက်နှာမှ ကြည့်စရာမလိုအောင် အိမ်လေးတစ်လုံးငှားပြီးပဲ နေရအောင်နော် … တစ်ယောက်နဲ့တစ်ယောက် စိတ်ကောက်ကြရင်တော့ ဘယ်သူ့မှ ကြားလေမသွေးနိုင်တာမို့ ကိုယ်တို့ဝေးဖို့ မလွယ်လောက်ဘူး ။ ဘယ်သူ့ကြောင့်ဆိုတဲ့ ခေါင်းစဉ်တွေအောက်မှာ တစ်ယောက်နဲ့တစ်ယောက် အမြင်စောင်းတာမျိုး စကားများတာမျိုး မဖြစ်တော့ဘူး ။ ကိုယ်တို့ ပြဿနာဖြစ်ကြတဲ့အခါ တစ်စုံတစ်ယောက်က သူ့ဖက်မှာရှိနေတာပဲဆိုတဲ့ အတွေးမျိုးတွေ မတွေးမိတော့ဘူးပေါ့ ။ ကိုယ် … အမျိုးသမီးလေးကိုလေ … ရယ်စရာမဟုတ်တဲ့ အောက်လုံးတွေကို မပြုံးတတ်တဲ့အထိ ဖြူစင်စေချင်တယ် … ကလေးတွေကို ချစ်တတ်စေချင်တယ် … ပန်းပင်လေးတွေ ပျိုးတတ်စေချင်တယ် ။ အလှဆုံးပြံးတတ်စေချင်တယ် ပြီးတော့လေ မလိုအပ်တဲ့နေရာတွေမှာ အားမနာတတ်ဖို့လည်း ကြိုးစားကြည့်စေချင်တယ် ။ တစ်ခုခုဆို အမြဲတမ်းလိုသုံးဖြစ်နေလို့မရဘူးကလေးရဲ့ ။ စျေးထဲရောက်လို့ ကိုယ်စျေးစစ်တဲ့အခါ မရှက်ပါနဲ့ တစ်ခုခုဝယ်လို့ အပိုတောင်းတဲ့အခါ ကိုယ့် လက်မောင်းလေးကို မသိမသာ မဆွဲပါနဲ့ ဘယ်အရာမှာမဆို ပိုပိုသာသာ လိုချင်တဲ့သူမို့ မင်းနဲ့သာ လက်ထပ်ဖြစ်ခဲ့ရင်ဆိုတဲ့ အတွေးမှာတောင် မင်းနဲ့ တကယ်ကြီး လက်ထပ်ထားသလိုမျိုး တွေးခဲ့မိတယ် ။ လူတွေအမြင်မှာ သန်မာစေချင်တယ် တစ်ယောက်တည်းလည်း ရှင်သန်တတ်စေချင်တယ် ရင့်ကျက်စေချင်တယ် … ကိုယ့်အပေါ်ကျ ကလေးဆန်စေချင်တယ် ချွဲစေချင်တယ် အရာရာအဆင်ပြေနေတဲ့နေ့ရက်တွေကို အတူဖြတ်သန်းချင်သလိုပဲ ဘယ်အရာမှ အဆင်မပြေတဲ့ရက်တွေမှာလည်း မင်းနဲ့အတူတူပဲ ရှိချင်မိတယ် ။#ကျေးကို #ကျေးကို#girltogirl #lgbt🌈 #foryoupage @🥑ki ki🥑

T

Open In TikTok:

Region: DE

Sunday 05 July 2026 13:27:35 GMT