@auraguidence03: මනුෂ්‍යයා කියන්නේ විශ්වයේ තියෙන අද්භූතම සත්වයෙක්. අපි හිතනවා අපිට අපි ගැන සම්පූර්ණ පාලනයක් තියෙනවා කියලා. අපි ගන්න තීරණ, අපි කරන රැකියා, අපි ආදරය කරන පුද්ගලයන්, මේ හැම දෙයක්ම අපි හිතලා මතලා කරන දේවල් කියලා අපි විශ්වාස කරනවා. හැබැයි මනෝවිද්‍යාවට අනුව ඒක සම්පූර්ණ මුසාවක්. අපි අපේ සිත ගැන දන්නේ මුහුදේ පාවෙන යෝධ අයිස් කන්දක වතුරෙන් උඩට පෙනෙන්න තියෙන ඉතාම කුඩා කොටස විතරයි. ​බටහිර මනෝවිද්‍යාවේ පියා ලෙස සැලකෙන සිග්මන්ඩ් ෆ්‍රොයිඩ් (Sigmund Freud) මනුෂ්‍ය සිතේ ස්වභාවය මට්ටම් 3කට බෙදා දක්වනවා. • ​සවිඥානක සිත (Conscious Mind) • ​උපද්‍රවිඥානය (Subconscious Mind) • ​අවිඥානක සිත (Unconscious Mind) ​මේ මට්ටම් 3 ගැන නිවැරදිව ඉගෙන නොගෙන තමන්ගේ ජීවිතයේ සාර්ථකත්වය, මානසික නිදහස හෝ දියුණුව ගැන කතා කිරීම නිශ්ඵලයි. අපි අද මේ මට්ටම් 3 ඇතුළත සිදුවන සැබෑ මනෝවිද්‍යාත්මක ක්‍රියාවලිය, එකිනෙකට බද්ධ වුණු ප්‍රායෝගික උදාහරණයක් ඔස්සේ ඉතාම ගැඹුරින් අධ්‍යයනය කරමු. සිතේ මට්ටම් 3 එකිනෙකට ගැලපෙන ආකාරය තේරුම් ගන්න ලේසි වෙන්න මං උදාහරන කතාවක් ගේන්නම් මෙන්න මේ විදිහට.  හිතන්න පුද්ගලයෙක් ඉන්නවා එයා ජීවිතයේ පළමු වතාවට මැනුවල් (Manual) කාර් එකක් පදවන්න ඉගෙන ගන්නා කෙනෙක්.ඔහුගේ නම "කසුන්" කියලා හිතමුකෝ. 📌 01. සවිඥානක සිත (Conscious Mind) ​සවිඥානක සිත කියන්නේ මේ මොහොතේ (Present Moment) ඔබ සක්‍රීයව පාවිච්චි කරන සිතයි. ඔබ මේ ලිපියේ වචන කියවමින්, ඒවායේ තේරුම මොළයෙන් විග්‍රහ කරමින්, "මේ කියන කතාව හරි" හෝ "වැරදියි" කියා තර්ක කරන්නේ ඔබේ සවිඥානක සිත මඟිනි. ​ ​සවිඥානක සිතේ තියෙන ලොකුම ගැටලුව තමයි, එහි ධාරිතාවය (Capacity) ඉතාම සීමිත වීම. ​🚗 කසුන්ගේ උදාහරණය : ​කසුන් පළමු වතාවට රියදුරු අසුනේ වාඩි වෙලා වාහනය පණගන්වන කොට, ඔහුගේ මුළු අවධානයම තියෙන්නේ සවිඥානක සිතේයි. • ​ඔහු එකවර සිතන්න ඕනේ: "දැන් ක්ලච් එක පාගන්න ඕනේ, ඊටපස්සේ ගියර් එක දාන්න ඕනේ, හෙමින් ක්ලච් එක අරිද්දී ඇක්සලරේටරය පාගන්න ඕනේ, ඒ අතරේ ඉස්සරහා පාර බලන්න ඕනේ, කණ්ණාඩි බලන්න ඕනේ." • මේ වෙලාවට කසුන් ඉන්නේ අධික සවිඥානක මට්ටමකයි. කසුන් වාහනය පදවන අතරතුර යාළුවෙක්ගෙන් කෝල් එකක් ආවොත් වාහන පදින්න පුරුදු කෙනෙක්ට වගේ කසුන්ට ප්‍රතිචාර දක්වන්න බෑ. මොකද එයා පලවෙනි දවස නිසා බයෙන් කුතුහලයෙන් තමයි ඉන්නේ. ​📌 02. උපද්‍රවිඥානය (Subconscious Mind) ​උපද්‍රවිඥානය කියන්නේ සවිඥානක සිතට පිටුපසින් තියෙන, හැබැයි ඉතාම පහසුවෙන් දත්ත ඇදලා ගන්න පුළුවන් සිතේ මට්ටමයි. ​උදාහරණයක් ලෙස, කවුරු හරි ඔබෙන් ඔබේ දුරකථන අංකය හෝ ඊයේ රෑට ආහාරයට ගත්තේ මොනවාද කියා ඇහුවොත්, ඔබ එය ක්ෂණිකව මතක් කර පවසනවා. අන්න ඒ දත්ත තැන්පත් වී තිබෙන්නේ උපද්‍රවිඥානය තුළයි. ​🚗 කසුන්ගේ උදාහරණය (මාස තුනකට පසු): ​දැන් කසුන් වාහනය පදවන්න පුරුදු වෙලා මාස තුනක් වෙනවා. දැන් ඔහු රියදුරු අසුනේ වාඩි වෙන්නේ කලින් වගේ බයෙන් නෙමෙයි. • ​දැන් ඔහු වාහනය පදවන ගමන්, සිංදු අහනවා, පැත්තේ ඉන්න යාළුවා එක්ක රටේ දේශපාලනය ගැන කතා කරනවා, ෆෝන් එකට එන Notification එක දෙස බලනවා. • ​දැන් කසුන් සවිඥානකව හිත හිත "ක්ලච් එක පාගන්න ඕනේ, ගියර් මාරු කරන්න ඕනේ" කියා වෙහෙසෙන්නේ නැහැ. ඔහු යාළුවා එක්ක කතා කරමින් ඉන්න අතරතුරම, පාරේ බම්ප් එකක් දැක්කාම ස්වයංක්‍රීයවම ඔහුගේ කකුල ගොස් ක්ලච් එක පාගලා ගියර් එක අඩු කරනවා. • ​ඒ වැඩේ කළේ කවුද? ඒක කළේ කසුන්ගේ උපද්‍රවිඥානය (Subconscious Mind) මඟිනුයි. • ​මාස තුනක් තිස්සේ සවිඥානකව පුරුදු කරපු ක්‍රියාවලිය, දැන් උපද්‍රවිඥානය විසින් "පුරුද්දක්" (Habit) විදිහට තමන්ගේ ගබඩාවට භාරගෙන ඉවරයි. දැන් ඒක ක්‍රියාත්මක වෙන්නේ ස්වයංක්‍රීයවයි (Autopilot). 📌 03. අවිඥානක සිත (Unconscious Mind) ​අවිඥානක සිත කියන්නේ මනුෂ්‍ය සිතේ තියෙන බලගතුම, විශාලම, ඒ වගේම භයානකම මට්ටමයි. සිතේ සමස්ත ක්‍රියාකාරීත්වයෙන් 90% ක්ම අයිති වෙන්නේ මේ අවිඥානක සිතටයි. මෙතැන තැන්පත් වෙලා තියෙන්නේ අපේ කුඩා කාලයේ අමතක වුණු අත්දැකීම්, සමාජයට බයේ අපි යටපත් කරගත් රාගික සහ ද්වේෂසහගත ආශාවන්, අපේ මූලික බිය . ​ ​අවිඥානක සිතට තර්ක කරන්න බැහැ. ඒකට අතීතය සහ වර්තමානය දෙකම එකයි 🚗 කසුන්ගේ උදාහරණය: කසුන් පාරේ යද්දී පිටුපසින් කිසිම හේතුවක් නැතුව කවුරු හරි ලොකු ශබ්දයකින් හෝන් එකක් ගැහුවොත්, දරාගත නොහැකි අධික කේන්තියක් සහ බයක් එනවා. ​කසුන්ට අවුරුදු 3 දී, විශාල ලොරියක් හෝන් ගසාගෙන ඇවිත් අනතුරක් වෙන්න ගියා. කසුන්ට ඒක අමතක වුණාට, අවිඥානක සිත ඒ මරණ බය තදින්ම ගබඩා කරගෙන හිටියා. අද පාරේ හෝන් එකක් ඇහෙන සැනින්, අවිඥානක සිත වර්තමාන ශබ්දය අර අතීත බයට ගලපලා, කසුන්ව නොදැනුවත්වම පාලනය කරනවා. අදට මෙච්චරයි. ඊලග කොටසෙන් මං ගැබුරට කියලා දෙන්නම් මේ සිතෙන් වැඩ ගන්න විදිහ. එතකන් follow කරලා තියාගන්න ජයවේවා! ❤❤❤ ​#MindMechanics #SubconsciousMind #UnconsciousMind #PsychologySinhala #auraguidance

Aura Guidance

Open In TikTok:

Region: LK

Sunday 05 July 2026 13:43:17 GMT