@key.motna.rduena: ናይ ዝኾነ ህዝብን ሃገርን ተስፋ ዝህነጽ ኣብ መንኩብ መንእሰያት እዩ። መንእሰያት ማለት ንጽባሕ ዝቕይሩ መሃንድሳት፣ ዶክተራት፣ ሓረስቶትን ዓንድታት ሃገርን እዮም። ይኹን እምበር ኣብ ክልል ትግራይን ኣብ ዝተፈላለዩ ክፍልታት ኢትዮጵያን እዚ ወለዶ እዚ ንፖለቲካዊ ባህጊታትን ቃልሲ ስልጣንን ሰበ-ስልጣን ተባሂሉ ኣብ ዓውደ-ኲናት ህይወቱ ከጥፍእ ምግባሩ ብጣዕሚ ዘሕዝንን ጠጠው ክብል ዝግባኦን ተግባር እዩ። ​ምብካይ ኣዴታትን ምዅዓት መቓብር ውሉዳትን መዓስ እዩ ዘብቅዕ? ሓንቲ ኣደ ትሽዓተ ወርሒ ጸይራ ብብዙሕ መከራ ኣዕብያ ንቑምነገር ዘብቅዓቶ ውሉዳ መዝሓሊ ጥይት ክኸውን ከሎ ምርኣይ ናይ መወዳእታ ጥራዝ ጨካንነት እዩ። ናይ ትግራይ ኣዴታትን መላእ ናይ ኢትዮጵያ ኣዴታትን ውሉዳተን ዝወልዳን ዘዕብያን ንሰላም ንልምዓትን ንሓጐስን እምበር ንዓውደ-ኲናት ኣይኰነን። ​መንእሰይ "ኣይፋለይን!" ክብል ይግባእ ​ስልጣንን ረብሓን ደለይቲ ኲናት ክእውጁ ከለዉ ባዕላቶምን ስድራቤቶምን ኣብ ሰላምን ምቾትን ኮይኖም እዩ። መንእሰይ ግን ነቲ መከራን ሞትን ኲናት ኣብ ግንባር ኮይኑ ይገጥሞ። ስለዚ መላእ ናይ ኢትዮጵያ መንእሰያትን ናይ ትግራይ መንእሰያትን ብሓባር ክቖሙ ኣለዎም። ​"ክዋግኡን ስልጣን ክሕዙን እንተደልዮም ባዕላቶም ይዋግኡ! ህይወት መንእሰይ ንስልጣን ካልእ ሰብ መሳጋገሪ ክኸውን የብሉን!" ​ነዚ ዘስካሕክሕ ሓቂ መላእ ህዝቢ ኢትዮጵያን መንእሰያትን ብሓደ ድምጺ ክዅንንዎ ይግባእ። ሰላም ክመጽእ ዝኽእል መንእሰይ ንጻውዒት ኲናት "ኣይፋለይን" ኢሉ ንሰላምን ዘተን ቀዳምነት ክህብ ከሎ ጥራይ እዩ። ህይወት ወዲ ሰብ ካብ ዝኾነ ይኹን ነገር ንላዕሊ ክቡር እዩ ስለዚ ሞት መንእሰያት ሎሚ ክውዳእ ኣለዎ! ሊላይ July 5/2026

🇦🇷 𝕝𝕚𝕝𝕒𝕪 𓅓

Open In TikTok:

Region: EG

Sunday 05 July 2026 18:42:02 GMT