@qazaqstan.tv_: 📌 Астанадағы Ұлттық музейде Мұхтар Әуезовтің тоғызқұмалақ тақтасы сақтаулы тұр Жәдігерді 2014 жылы Алматыдағы Әуезовтің әдеби-мемориалдық музей үйінен әкелген. Ұлттық ойынды өз заманында Абай да дәріптеген. Бұл туралы Әуезовтің «Абай жолы» романында да жазылды. Ал жақында жазушының 1950 жылы тоғызқұмалақ ойнап отырған сәті бейнеленген фотосуреті табылған еді. Қолданыстағы ойын ережесі де сол кезеңде жүйеленіп бір ізге түскен. Оған да қазақ зиялылары атсалысқан. Айта кету керек, тоғызқұмалақ 50-ден астам елде түрлі қауымдастықтар арқылы насихатталып келеді. Ал 2008 жылы Дүниежүзілік тоғызқұмалақ федерациясы ашылды. 6 жыл бұрын ЮНЕСКО-ның мәдени мұралар тізіміне енді. Қазіргі уақытта зияткерлік платформалар арқылы әлемнің кез-келген мемлекетінің азаматы ойнай алады. 2022 жылдан бастап 9 қыркүйек Тоғызқұмалақ күні ретінде атап өтіледі. 🎥 Толығырақ бейнематериалдан көріңіз. 📺«Апта» бағдарламасының толық нұсқасын «Qazaqstan TV»YouTube арнасынан көре аласыздар.

«Qazaqstan» телеарнасы

Open In TikTok:

Region: KZ

Sunday 05 July 2026 19:33:05 GMT