خبز الفوكاشيا🌱 مكونات العجينة: نصف كيلو (٣كوب ونص) طحين اسمر او ابيض ملعقتين زيت زيتون ملعقتين صغيرة سكر ملح نص ملعقة ك نصف ملعقة ك خميرة سريعة ماء بحرارة المطبخ بالتدريج تقريبا كوب ونص الى كوبين نخلط كل المواد بالملعقة فقط لازم نحصل قوام لين يعني اذا نحتاج ماء نضيف بالتدريج ونخلط ونغطيها عشر دقايق بعدها تسوي مرحلة الطي بدون عجن مثل ما موضح بالفيديو ونتركها ترتاح عشر دقايق ونرجع نكرر عملية الطي كرروا هاي الخطوة لحد ما تشوفون الفقاعات والعجينه تضاعف حجمها ونكدر نبلل ايدنا بالمي او الزيت حتى ماتلزق يعني كلما ترتاح رح تطلع وياكم خفيفة ومليانه فقاعات مرحلة التشكيل على ورق زبدة ونخليها ونغطيها ربع ساعه ونبدي تشكل باصابعنه حتى تنطينك شكل الفوكاشيا التقليدي ويدخل زيت الزيتون بالثقوب ونزينها بالخضار حسب الرغبة طماطم كرزية و، زعتر ، اكليل الجبل، ملح خشن، فلفل، زيتون ... الخ وقبل كلشي تشغلون الفرن من وقت وتخلون الصينية تحمى بداخل الفرن وعلى اعلى حرارة متوفرة بفرنكم واخبزوها مراح تطول اقل العشر دقايق وتجهز قدمتها وية صوص البيستو وبالعافيه عليكم🤍 - @ii.em5