@asii.....1: جدائی تاں ہک لفظ ہے، پر ایں ہک لفظ دے پچھوں کتنے پچھتاوے، کتنے ہنجوں تے کتنے ،جگاری لگے ہوندن۔ اے صرف اوہو جانڑدے جیندے دل تے سینہ تانڑ کے اے وقت لنگھدے۔ توں تاں سمجھ گھدے جو رستے جدا تھین تاں میں خوش ہاں، پر کاش توں میڈے ہاسے دے پچھوں لگی ہوئی اوں ویرانی کوں ڈیکھ سگدیں جیڑھی تیڈی ونجنڑ دے بعد میڈے اندر ہمیشاں کیتے دیرہ لا بہہ گئی ہے۔ رستے جدا کرنڑ دا فیصلہ جے سکھا ہوندا، تاں انسان کڈاہیں ہک پل وی نہ سوچیندا۔ پر کجھ مجبوریاں، کجھ حالات دے جبر تے کجھ لفظاں دی بے اثری انسان کوں اوں موڑ تے گھن آندی ہے جتھاں نال ٹرنڑ محال تھی ویندے۔ تیڈا اے سمجھنڑ کہ میں خوش ہاں، میڈی اوں خاموشی نال ناانصافی ہے جیڑھی میں اپڑی اندر دے طوفان کوں لکاونڑ کیتے اوڑہ گھدی ہے۔ رستے جدا تھیونڑ نال یاداں ختم نہیں تھیندیاں، نہ ہی او وقت بھلدی جیڑھا اساں ہک دوجے دے نال گزاریا ہئی۔ جدا رستیاں دا مطلب اے بالکل نہیں ہوندا کہ دل وی صاف تھی گین۔ کجھ درداں کوں انسان سینے وچ سانبھ کے مسکراونڑ دی عادت پا گھندے، تاں جو دنیا اوندے تماشے دا تماشائی نہ بنڑے۔ میں اج وی اوں موڑ تے کھڑا ہاں جتھاں توں میکوں کھلا چھوڑ گیا ہئیں، بس فرق صرف اتنا ہے جو ہنڑ میں شور مچاونڑ دی بجائے خاموشی کوں اپڑا سجنڑ بنڑا گھدے۔ توں اپڑی رستے تے خوش رہویں، میڈی دعا ہے، پر میکوں بے درد سمجھ کے میڈی محبت دی توہین نہ کر🥹۔۔ وسلام۔ تحریر رضو بلوچ ✍️ #آصی۔دا۔یار۔ہیمی #آصی۔دی۔جند #آصی