@zoolmskin3: الحنـيّة ما كلام كتـير ولا وعود، هي إحساس بسيط جدًا بوصلك و بطمنك قبل ما الحروف تتكون. تلقاها في طريقة سؤال خفيفة : أنت كويس..! في نبرة صوت ما فيها إستعجال، و في نظرة كأنها بتقول: أنا معاك، حتى لو ما قلت حاجة.. للأسف في ناس بتفتكر الحُب هو الكلام الكتير، أو الإهتمام الظاهر قدّام الكُل.. لكن حرفيًا إنو أعمق أنواع الحُب هو المُنتظم. البخليك تحس إنك مُفهوم من غير شرح طويل، و إنك مقبول حتى في لحظات ضعفك البتخجل منها.. الحنـيّة ما بتحتاج مناسبة، و ما بتستنى عيد ولا موقف كبير، بتظهر في التفاصيل الصغيرة: في إنك تتطبطب و إنت مرهق تعبان.. و في إنك تتفهم وانت ساكت. وفي إنك تلقى قلب ما بضغط عليك كون مثالي عشان يستمر معاك. أجمل العلاقات ما مبنية على الإبهار.. مبنية على الرحمة. على إنو الزول ما يستهين بمشاعرك، ولا يقلل من وجعك، و لا يخليك تحس إنك لازم تستحق الاهتمام كُل يوم. في علاقات بتعيش لأن فيها حنـيّة بتتجدد، و في علاقات بتنتهي رُغم الحُب. لإنو الحنـيّة إختفت، وبقى التعامل بارد، كأنها القلوب ما عادت تفهم بعضها. والغريب إنو الإنسان ما بفتش على الكمال، هو بس بدوّر على قلب يرفق بيه، ما يزيد وجعو، ما يضغط عليه. بس يخفف عنه الحياة بدل ما يعقّدها.

کْلَمًأّتٌـ خِـفُـيِّفُـةّ

Open In TikTok:

Region: SD

Monday 06 July 2026 07:35:17 GMT