=========={ 🙏 }======== 🌺မျက်စိဒွါရ🌺 လက်တွေ့မျက်တွေ့တွေလိုတယ် ၊ စဉ်းစားကြနော် ၊ ထိထိမိမိ ၊ မြင်တာကို သညာဖုံးတယ် သညာကိုသင်္ကာရှင်းမှ သင်္ကာကင်းမယ် ၊ မြင်တာက_အဆင်းဓာတ်ကိုမြင်တာ ၊ သညာကမင်းသမီး သညာကမင်းသား ၊ ကဲ သူ့ကိုမြင်ရတာ ရေစက်နီးတယ် မလာဘူးလား ၊ သူ့ကိုမြင်ရတာ ရေစက်နီးတယ်ဆိုတာ ၊ အဆင်းပေါ်မှာဖြစ်တာလား ပုဂ္ဂိုလ်သတ္တဝါမှာဖြစ်တာလား ၊ ပုဂ္ဂိုလ်သတ္တဝါအနေနဲ့မြင်တာနော် ၊ မင်းသမီးအနေနဲ့မြင်တာကိုး ၊ မင်းသားအနေနဲ့မြင်တော့ လိုချင်တဲ့ လောဘတဏှာမဖြစ်လား ၊ ရေစက်နီးတာတွေတဲ့နော် ၊ ကဲ စိစစ်ဖို့မကောင်းလား ၊ တကယ့်အမြင်ခံက မင်းသမီးလား အဆင်းဓာတ်လား ၊ မင်းသားလား အဆင်းဓာတ်လား ၊ အဆင်းကပရမတ်_မင်းသမီးကပညတ် ၊ အဆင်းကပရမတ် မင်းသားကပညတ် ၊ မင်းသမီး မင်းသားမြင်လို့ လိုချင်တဲ့လောဘဖြစ်တာ မထင်ရှားလား ၊ သူ့ကိုမြင်ရတာ မြင်ပြင်းကတ်တယ်လို့မလာဘူးလား ၊ ဒေါသ ၊ အဆင်းပေါ်မှာဖြစ်တာလား ပုဂ္ဂိုလ်သတ္တဝါမှာဖြစ်တာလား ၊ ပုဂ္ဂိုလ်သတ္တဝါမှာဖြစ်တာနော် ၊ အဲ့လိုစိစစ်ဖို့မကောင်းလား ၊ အဲ့ဒါ ပညတ်အာရုံတွေကွဲ့ ကြားလား ၊ အဲ့လိုစိစစ်ဖို့မကောင်းလား ၊ ဒါကြောင့်မလို့ လူနတ်ဗြဟ္မာသတ္တဝါက ပညတ်နော် ၊ ခန္ဓာ၅ပါးက ပရမတ်ပေါ့ ၊ အဲ့လို ပညတ်အာရုံ ပရမတ်အာရုံလို့မဟောဘူးလား ၊ ဒါကြောင့် ပညတ်အာရုံ နှစ်သက်ကြုံ ဖြစ်မည်ကိလေသာ ၊ ပညတ်အာရုံ နှစ်သက်ကြုံ ဖြစ်မည်ကိလေသာ ၊ စဉ်းစားဖို့မကောင်းလား ၊ ဒါကြောင့် ပရမတ်အာရုံကြတော့_ခန္ဓာကိုဉာဏ်လှည့်ဖို့မလိုလား ၊ 🌺အနိစ္စ🌺 ဆက်ကြည့်တော့ ရူပက္ခန္ဓာကြီးက ဖောက်ပြန်ပြီးတော့မပျက်လား ၊ ဝေဒနာ ခံစားပြီးတော့မပျက်လား ၊ သညာမှတ်ပြီးတော့မပျက်လား ၊ စေတနာသင်္ခါရက္ခန္ဓာ စေ့ဆော်ပြုပြင်ပြီးတော့မပျက်လား ၊ ဝိညာဏက္ခန္ဓာ သိပြီးတော့မပျက်လား ၊ နိစ္စလား အနိစ္စ ၊ အာရုံက အနိစ္စလို့ပြတော့ သိတဲ့ဉာဏ်က အနိစ္စလို့မသိဘူးလား ၊ အာရုံက ဒုက္ခလို့ပြတော့ သိတဲ့ဉာဏ်က ဒုက္ခလို့မသိဘူးလား ၊ အာရုံက အနတ္တလို့ပြတော့ သိတဲ့ဉာဏ်က အနတ္တလို့သိတယ်နော် ၊ အနိစ္စ ဒုက္ခ အနတ္တမှ ဒါ ပရမတ်အာရုံ ၊ ကဲ အနိစ္စ ဒုက္ခ အနတ္တတွေ့တော့ ဖြစ်ပျက်လို့ မဟောဘူးလား ၊ ဘာသစ္စာလဲ (ဒုက္ခသစ္စာပါ ဘုရား) ၊ ချမ်းသာတဲ့တရားလား ဆင်းရဲတဲ့တရားလား ၊ ဆင်းရဲတယ်လို့အမှန်သိတာ သမ္မာဒိဋ္ဌိနော် ၊ မိစ္ဆာဒိဋ္ဌိမချုပ်လား ၊ ဒုက္ခသစ္စာပိုင်းခြားသိတာ_သမ္မာဒိဋ္ဌိပေါ့ ၊ လူချမ်းသာ နတ်ချမ်းသာ ဗြဟ္မာချမ်းသာ နှလုံးသွင်းမှားတာ မိစ္ဆာဒိဋ္ဌိနော် ၊ အမှန်သိတော့_အမှားမပျောက်လား ၊ အဲ့ဒီနေရာရောက်အောင် ကြိုးစားအားထုတ်ကြပေါ့ ၊ ဒုက္ခသစ္စာလို့ အမှန်ပိုင်းခြားသိ သမ္မာဒိဋ္ဌိလို့မဟောဘူးလား ၊ ကဲ ဒုက္ခသစ္စာဆို_ကိလေသာအာရုံဟုတ်ကဲ့လား ၊ ကဲ တဏှာလာသေးရဲ့လား ၊ ဥပါဒါန်လာသေးရဲ့လား ၊ ခန္ဓာလို့သိတုန်းက ပုဂ္ဂိုလ်သတ္တဝါတွေ့ရဲ့လား ၊ တွေ့တဲ့တရားက လူနတ်ဗြဟ္မာလား ခန္ဓာ၅ပါး ၊ သက္ကာယတရားလို့မဟောဘူးလား ၊ အာသဝအနေနဲ့ ဒိဋ္ဌိမပြုတ်လား ဝိစိကိစ္ဆာမချုပ်လား ၊ ဒိဋ္ဌာသဝနဲ့ အဝဇ္ဇာသဝချုပ်တယ်နော် ၊ ဆက်ပြီးတော့ ကြိုးစားကြည့်တော့ (၅)ပါးစလုံးက အနိစ္စပေါ့ ၊ အနိစ္စလက္ခဏာ ဒုက္ခသစ္စာ ၊ ဒုက္ခလက္ခဏာ ဒုက္ခသစ္စာ ၊ အနတ္တလက္ခဏာ ဒုက္ခသစ္စာလို့ မဟောဘူးလား ၊ ကဲ ဆင်းရဲတယ်လို့ အမှန်သိတာ ၊ လူချမ်းသာ နတ်ချမ်းသာ ဗြဟ္မာချမ်းသာလို့ နှလုံးသွင်းမှားတဲ့ အဝိဇ္ဇာမချုပ်ဘူးလား ၊ အဝိဇ္ဇာချုပ်ရင် တဏှာလာအုံးမလား ၊ ဥပါဒါန်လာအုံးမလား ၊ ကာမာသဝနဲ့ ဘဝါသဝမချုပ်လား ၊ ရှေ့ပိုင်းက ခန္ဓာသိတော့ ဒိဋ္ဌာသဝနဲ့ အဝိဇ္ဇာသဝချုပ်တယ်နော် ၊ ဒုက္ခသစ္စာပိုင်းခြားသိတော့ ကာမာသဝနဲ့ ဘဝါသဝမချုပ်လား ၊ အာသဝေါတရား(၄)ပါးမကုန်လား ၊ ကုန်ရင် သမုဒယသစ္စာမသေလား ၊ နောက်ခန္ဓာဇတ်မသိမ်းလား ၊ နိရောဓသစ္စာလို့မဟောဘူးလား ၊ ဤနေရာရောက်အောင် ကြိုးစားအားထုတ်ပေါ့။ ကဲ ထိဆဲခန္ဓာက ဖြစ်ပျက် ဘာသစ္စာလဲ (ဒုက္ခသစ္စာပါ ဘုရား) သိတာက (မဂ္ဂသစ္စာပါ ဘုရား) သတောက (သမုဒယသစ်စာပါ ဘုရား) နောက်ခန္ဓာမလာတာ (နိရောဓသစ္စာပါ ဘုရား) ပဋိစ္စသမုပ္ပါဒ် အကွက်ဘယ်နှစ်ကွက်ရှိ (လေးကွက်ရှိပါတယ် ဘုရား) တစ်ကွက်လျှင်ဘယ်နှစ်ပါး (ငါးပါပါ ဘုရား) ငါးလေးလီ (နှစ်ဆယ်) ဤရှစ်သွယ်ကို (အလွယ်ကျက်မှတ်သိစေအပ်သည် သံသရာမှလွတ်ကြောင်းသည်) သာဓု သာဓု သာဓု ၁၁-၁၁-၂၀၀၅ ည ၇ နာရီ 🙏ကျေးဇူးတော်ရှင် မုံလယ်ဆရာတော်ဘုရားကြီး။🙏 တာချီလိတ်မြို့ မြို့လယ်ဓမ္မာရုံကြီး။ (ကိုနေမျိုးလင်း ကျိုင်းတုံ စာစီပူဇော်မှုကို ဓမ္မဒါနပြုပါသည်။ #မုံလယ်ဇ ) Crd Khin Mg Yin (Facebook) #တရားတော်များ __________________________________ •မူရင်းရေးသားသူ/ •ဖြန့်ဝေသူအားလုံးဂါရဝပြုပါသည် •( #ဓမ္မသုတလမ်း )မှ •"#ဓမ္မဒါန အနေဖြင့်ပြန်လည်မျှဝေပါသည်။ •"ကောင်းမူ နေ့စဉ်ပြုပါ" •Copyဖြင့်သော်၎င်း •Share ဖြင့် သော်၎င်း •ပြန် လည်မျှဝေခြင်းဖြင့်။ • အမြတ်ဆုံးတရားကုသိုလ်ပြုနိင်ပါတယ်"✅ •🙏"သဗ္ဗဒါနံ ဓမ္မဒါနံ ဇိနာတိ "🙏 •🙏"အလှူ အားလုံး ထဲတွင် • တရားအလှူသည် အမြတ်ဆုံးဖြစ်၏"🙏 •ဤ(ရုပ်/နာမ်-ခန္ဓာ)မှပြုခဲ့ရသော •ကောင်းမူအစုစုအား အားလုံးကိုအမျှဝေပါ၏✅ု •🙏 နတ်/လူ သာဓုခေါ်စေသော်။.....🙏 "ဣဒံ မေ ပုညံ နိဗ္ဗာနဿ ပစ္စယော ဟောတု" - @dhammathutalan