@sukoon.e.qalb45: کیپشن سے ہٹ کر انسانی زندگی کا ایک المیہ یہ بھی ہے کہ ہمیں اپنی محرومیاں اتنا دکھی نہیں کرتیں، جتنا دوسروں پر ہونے والی نوازشات بے چین کر دیتی ہیں۔ فطرتِ انسانی میں یہ لچک موجود ہے کہ وہ کمی اور تنگی میں تو ایڈجسٹ کر لیتا ہے، لیکن جب وہی نعمت کسی دوسرے کے آنگن میں برستی دیکھتا ہے، تو دل میں ایک ٹیس اٹھتی ہے،جسے "حسد" کہا جاتا ہے۔ حسد صرف نیکیوں کو ہی نہیں کھاتا، بلکہ یہ ہماری زندگی کی اصل مٹھاس اور ذہنی سکون کو بھی نگل جاتا ہے۔ ہم اپنی لکیر لمبی کرنے کے بجائے دوسروں کی لکیر مٹانے یا اسے دیکھ کر کڑھنے میں اپنی توانائیاں ضائع کر دیتے ہیں۔ اگر آپ کو کہیں کوئی شخص مطمئن اور خوش نظر آئے، تو یہ مت سمجھیں کہ اسے سب کچھ مل گیا ہے یا وہ کسی محرومی کا شکار نہیں۔ حقیقت یہ ہے کہ اس کی خوشی کا سبب وہ کامیابیاں نہیں جو اسے ملیں، بلکہ وہ شکر ہے جو اس نے ان نعمتوں پر ادا کیا۔ انسان فطری طور پر حریص واقع ہوا ہے۔ "مزید سے مزید" کی چاہ اسے کبھی رکنے نہیں دیتی۔ جو شکر کرنا نہیں جانتا، اسے اگر پوری دنیا بھی دے دی جائے، تب بھی وہ بے سکون رہے گا۔ سکون وہاں سے شروع ہوتا ہے جہاں "حسد" ختم اور "تقسیمِ الٰہی پر اطمینان" شروع ہوتا ہے۔ اپنی خوشیوں کو دوسروں کے ترازو میں تولنا چھوڑ دیجئے۔ اللہ کی تقسیم پر راضی ہونا ہی وہ واحد راستہ ہے جو انسان کو حسد کی آگ سے نکال کر شکر کے ٹھنڈے میٹھے چشموں تک لے جاتا ہے۔ یاد رکھیے! شاکر انسان ہی دراصل امیر ترین انسان ہے۔ سکونِ قلب 🍂🍁 #fypシ #lines🔥 #viralvideo #foryoupage #trending

سکونِ قلب 🔥

Open In TikTok:

Region: PK

Monday 06 July 2026 14:28:02 GMT