@riham_jameel: المعدل او الـ GPA، شنو وضعة بالتقديم على الجامعات الامريكيه (سواء لدراسة البكلوريوس او الدراسات العليا)؟ اول شي: شنو هو ال GPA؟ GPA: grade point average و هو ببساطه معدلك التراكمي. يعني معدل فتره دراسية كامله. مثلا اذا جامعتك 4 سنوات فهذا الشي المعدل التراكمي حيكون رقم واحد يشوف معدلك بال اريع سنوات، و نفس الشي بالنسبة للاعدادي، رقم واحد يشوف معدلك باخر اربع سنوات (الاعدادي بامريكا 4 سنوات مو 3 مثل العراق). ثاني شي: من شكد يكون ال GPA؟ غالبا من 4.0 (بس اكو اماكن من 5، بس الشائع هو من 4.0) ثالث شي: شون ينحسب ال GPA؟ حسب الكلية و نظامها، مثلا بالعراق، الكليات الطبيه تكون كالأتي: (منقول من مدكل كافيه) المرحلة الأولى 5%من المعدل التراكمي المرحلة الثانية 5%من المعدل التراكمي المرحلة الثالثة 5%من المعدل التراكمي المرحلة الرابعة20%من المعدل التراكمي المرحلة الخامسة25%من معدل التراكمي المرحلة السادسة40%من المعدل التراكمي و هذا الشيء يعتمد على تخصصك / جامعتك / دولتك و لكن بالعاده يتحول النظام المئوي (من تجي الدرجة من 100) او نظام الاحرف (A,B,C,D,E,F) الى رقم (من 4) و هاي ال 4 تشمل تعبك مال كل سنينك الدراسيه بهاي الفتره و تكون بيها نسبة على كل مرحله و كل ماده. رايع شي: اني منين اجيب ال GPA و شون احسبه (طلاب الكليات)؟ ركزولي هنا كلش زين! هواي ناس يكعدون يقسمون معدلهم على 25 او بكيفهم يكولون انو ال 90-100 يعني A يعني 4 و هكذا، او مثلا يستخدمون ويبسايتات تحوللهم و الخ... ببساطه: DON'T لا تسوون هلشي ابد، انت كطالب متروح تحسب GPA، تروح تجيبه من جامعتك و بس. خامس شي: اني منين اجيب ال GPA و شون احسبه (طلاب المدارس)؟ ما تحسبه و ماكو داعي، من تقدم على الجامعات الامريكيه تحط انو نظام بلدك unweighted GPA و تحط النظام المئوي (من 100) و تحط ملاحظة انو بالعراق ما نستخدم نظام تراكمي و انما تكون عندك 4 معدلات نهائيه: - درجة صف الثالث: درجه البكلوريا - درجة صف رابع: معدل كورس اول + معدل كورس ثاني تقسيم 2 - درجة صف خامس: معدل كورس اول + معدل كورس ثاني تقسيم 2 - درجة صف السادس: درجه البكلوريا و معليك بنص السنه و مدري ايش تجمعوهم كلهم و تقسموهم على 4 و تحطون الرقم و توضحولوهم بخانه anything else you want to say شون طلعتو الرقم هذا و انو بالعراق ماكو نظام تراكمي و هاي الأمور. * اذا دتقدمون قبل صف 6 فحتحسبون صف 3 و 4 و 5 و نفس الطريقه الفوك. #منح #دراسة #سفر #جامعات #الدراسة_خارج_العراق

Riham Jameel | ريهام جميل

Open In TikTok:

Region: US

Monday 06 July 2026 15:57:12 GMT