@nawod.bandara.kon: දෙවන පෑතිස් හෙවත් දේවානම්පියතිස්ස රජතුමා මී ගස් කැපීම තහනම් කොට තිබුණ අතර ඒ වෙනුවෙන් මරණීය දණ්ඩනය පවා පැනවීය.නමුත් ඉංග්‍රීසින්ගේ කාලයේ මී ගස් කපා විනාශ කලේය. පසුව මී ගස් නැවත රෝපණය කල අතර අද වන විට සෑම ගමකම පාහේ මී ගස් දකින්නට ලැබේ.වයසක කිරි අම්මලා,කිරිඅත්තලා ලග මී තෙල් කුප්පීයක් තිබිම පරණ සිරිතක් වී තිබුනී. මේ දිනවල ගම්වල ජිවත් වන අයට නම් වවුලන්ගේ මේ මී ගෙඩි වසන්තයට පොරකන ශබ්දය නුහුරු නැත.කළුවර වැටෙත්ම වවුලන් ඔවුන්ගේ රාජකාරීය සදහා මී ගස් වෙත පැමිණෙයි.පුරාණ මිනිසුන්ගේ ගොවිතැනේ ප්‍රධාන පොහොරක් වුයේ වවුලන් මී ගෙඩි කා දමන වසුරුය. ______________________________________________ - කිරි අම්මා සහ මගේ මී තෙල් කතාව මී ඇට කන්න වවුලන් එන කාලයට අපේ කිරිඅම්මා උන්දෑගේ ලක්ෂපාන තනි බැටරී කෑල්ලේ ඇලුමිනියම් ටෝච් එකත්,බෙලෙක්කයකුත් හවස් වෙනකොට මට ගෙනත් දෙන්නෙ උන්දෑට මී ඇට අහුලාගෙන එන ලෙසටයි.මී ඇට කාලය අවසන් වු පසු උන්දා ඒවා වෙලා,තම්බා මගේ අත මෝලට යවන්නේ ඒවා කොටාගෙන එමටයි.ඉන් තෙල් පංගුවක් මටත් අයිතිය.ඊලග මී ඇට කාලය එනතුරු හිදගෙන ආ තෙල් ඇය අරපිරිමැස්මෙන් යුතුම ඇගේ දණිස් කැක්කුම් වලටත්,තවත් අයගේ ලෙඩ රෝග කාරක වෙනුවෙනුත් සුරක්ෂිත කොට ලග තබා ගනී.ඇයට එය වස්තුවක් හා සමානය.ඒ වටිනාකම ඇය මෙලොව හැර ගොස් ටික කාලයක් යන විට මට අවබෝධ විනී.මා හට ලැබෙන තෙල් පංගුව අම්මාට දී පොල්තෙල් වෙනුවෙට මී තෙල් දමා ව්‍යංජන හදාගෙන ආසාවෙන් කෑ හැටි අද වාගේ මතකය. ______________________________________________ මේ පාර මී ගෙඩි ඵලදාව පෙර කාල වලට වඩා වැඩීය.ගම්වල ජිවත් වන ආදරණීය හිතවතුනී නව සමාජයේ දරුවන්ට මේවා ගැන කිසිම තැකීමක් නැත.ඔවුන් මෙවැනී අත්දැකීම් විද නැත.මෙය කොයිතරම් නම් වටිනා ඖෂධයක් ද කියා කීමට ද වචන නැත.එසේම කුඩා කුඩා වෙදකම් කරන අයද මේවාගේ වටිනාකම හොදින් දැනගත යුතුය. සල්ලි තියෙනවා කඩෙන් ගන්නවා වගේ සිතුවිලි වලට වඩා තමා තමාගේම මහන්සියෙන් තෙල් ටිකක් හිදගන්න මහන්සි වෙලා බලන්න, එය අවසානයේ ඔබටම සිතාගත නොහැකී ආත්මගත සතුටයි වේවී.ජිවිතයේ කොයිම මොහොතක එය අත්‍යාවශ්‍ය වේවී. මේක ලියන්න හිතුනේ, මමත් මේ වෙලාවේ ගෙදර වත්තේ ගස් යට වවුලන් දාලා ගිය මී ඇට අහුලන ගමන් හිතට ආපු අතීතයේ සුවද ගැන වචන කිහිපයක් ඔබත් එක්ක බෙදාගෙන,ගමක කවුරුන් හෝ ඒ වටිනා ක්‍රියාව කරන්න පෙලඹෙයි කියන සිතුවිල්ලත් මගේ හිතට දැනුන නිසා. 🌠🍃 ලිපි සම්පාදනය පුරාණ පත්තිනි ශාස්ත්‍රාලය විසිනී.මෙය අප විසින් පල කල පැරණි ලිපියක් බව කරුණාවෙන් සලකන්න. #අනුරාධපුර_සෙට්_1 #කතරගම_දෙවි_පිහිටයි_🙏🙏🙏🙏🙏 #බුදුසරණයි #srilanka #පත්තිනි_අම්මා_පිහිටයි🔱

පුරාණ ශාස්ත්‍රාලය කැන්දගොල්ල

Open In TikTok:

Region: LK

Monday 06 July 2026 16:19:08 GMT