سەیرە، تەواوی ژیان و بیرکردنەوەمان بووە بە ئیش، پارە، داهاتوو، ژن و سەیارە؛ نەبڕایەوە ئەم خولگە سەقەتە! کارەساتەکە لێرەدایە، گەنجێک ناوێرێت بڵێت هیلاکم، یەکسەر دەوروبەر پێی دەڵێن: «بۆ؟ جا چیت کردووە؟ جارێ لەکوێیت و چیت بینیوە؟» گەنج هەیە لە بەیانییەوە تا ئێوارە ڕاکەڕاکیەتی، بۆڵەبۆڵی وەستا، ستەمی خاوەن کار، حەماڵی و کرێکاری. گەنج هەیە تەواوی یادگارییەکانی جوانترین تەمەنی، تەنها قسەی ناخۆش و سووکایەتیی وەستا و خاوەن کار بووە، هێشتاش لە کۆتاییدا هەر تەنها ئاوات بە سەیارەیەکی سادە دەخوازێت! بابە تۆ مرۆڤیت، ڕۆبۆت نیت! ئیش و کار لەلایەک، بەڵام پشوودان و گەڕان و دڵخۆشکردنی خۆت لەلایەکی تر. من بۆچی ئیش دەکەم ئەگەر بۆ ئاسوودەیی ڕۆحی خۆم نەبێت؟ بۆچی عارەق دەڕێژم ئەگەر بەو پارەیە، تەنانەت بە شتێکی بچووکیش بێت، دڵی خۆم خۆش نەکەم؟ لەم کۆیلایەتییە دەروونییە وەرنە دەرەوە، هەموو ژیان تەنها ڕاکردن نییە بەدوای خانوو، سەیارە، ژن هێنان و بەخێوکردنی ماڵ و منداڵ... ئەگەر هەمیشە لە خەمی سبەینێدا بیت، ئەمە چ ژیانێکە؟! ژیان هەر ڕاکردن بێت بەرەو ماددی هیچ چێژێکی نییە، هەمووان بوونەتە کۆیلەی یەک بیرکردنەوە ئەویش تەنها ژن، و سەیارە، خانوو تازەگەری بوونی نییە لەجیاتی داهێنانن و بەرەو پێشچوون بەو تەمەنەوە خەمی ژن هێنانن و خانوو ئەخۆن و ڕێگریان لە بەرەوپێشچوون و خەونەکانیان کردووە لەم هاوکێشەیەدا دوو جۆر مرۆڤ هەن: ١. ڕەزیلەکان: ئەوانەی هەمیشە دەڵێن با هەر کۆی بکەمەوە. دڵنیابە ئەمە دەبێتە خووت؛ سبەی دەوڵەمەندیش بیت هەر دەڵێیت با کۆی بکەمەوە و قەت چێژ لە یەک دیناری نابینیت . ٢. دەستبڵاوەکان: ئەوانەی بە تەواوی بێباکن و هیچ حسابێک بۆ سبەی ناکەن، تا لە کۆتاییدا هیچ شتێکیان بە دەستەوە نامێنێت. یاسای زێڕین: زۆر ڕەزیل مەبە تا نەبیتە کۆیلەی ژمارەکان، و زۆر دەستبڵاویش مەبە تا پاشەڕۆژت وێران نەبێت. هاوسەنگی ڕاگرە. تۆ بۆ ئەوە دەژیت چێژ لە بەرهەمی ماندووبوونی خۆت ببینی، نەک ببیتە ئامێرێک بۆ کۆکردنەوەی پارە و دوایش پیربوونێکی پڕ لە حەسرەت. #هۆشیاری #فەلسەفە #واقیع #کەرامەت - @userxerror0