@roblaa: Heeskan waxaa allifay Cabdi Qays, laxankana isla isaga ayaa ku ladhay. Waa hees ka mid ah heesihii gooddiga ahaa ee Cabdi Qays si aan gabbasho lahayn uu taliska ugala hor yimid. Heeskan isaga oo Maxamed Mooge ka sheekaynaya waxa uu yidhi: "Waxa aan hees ku heeso, waa heesta aan heesahayga ugu jecelahay. Heeskan hadda waxa aan ka dhex qaadayaa xabsiga oo aan ku xidhanahay....." Waa cod kooban oo heesta oo uu dhawr mar qabtay mar ka mid ah uu hordhac uga dhigaayo. Sida uu ka sheekeeyay Xudaydi oo aynnu xagga ugu horraysa ku soo aragnay, Maxamed Mooge markii la xidhay, goobtii uu ku xidhnaa in ay huteel tahay iyo in ay xabsi tahay lama kala garanayn, sababta oo ah sida loogu soo xoomaayay halka uu joogo, kamankiisii oo uu sitay iyo waliba askarta jeelka iyo taliyahooda oo aad u jeclaa Maxamed Mooge, una oggolaa in uu bannaanka iska fadhiisto oo uu halkiisaa iskaga nefiso. Heeskan Cabdi Qays laftiisu waa heesihii uu xadhigga ku mutaystay, in kastoo Cabdi wixii afkiisa ka soo baxa iyo talisku ay waaqood ba isa seegganaayeen. Heeskan oo aad ka dareemayso dareenka ay tabinayso sida uu Maxamed u dareemaayo, ayaa ah heesaha aan anna dhegaysigooda ugu jecelahay, maaddaama uu Maxamed ba heesihiisa ugu jeclaa. Heestani waxa ay kugu abuuraysaa markaa dhegaysanaysid qab iyo ragannimo aanad markaa ka hor garanayn meel ay kaa jirtay. Waxa aad dhex galaysaa mawjado muudh ah oo aad garan waayaysid si aad hirarkooda uga dabbaalatid. Waxa ay kugu abuuraysaa in haddii aad jiiftayna aad fadhiisato, haddii aad fadhidayna aad istaagto, haddii aad taagnayd na aad dhaqaaqdo! Dareenka sidaas ah ayay qofka caadiga ah ku dirqinaysaa, bal haddaba ka warran ka dareen tabasho ah Buugga Foolaad.

Mohamed Hassan Roble

Open In TikTok:

Region: SO

Monday 06 July 2026 19:08:48 GMT