@zainabalqaysii: رغم إنو كلنا نحب مس ريتشل، لكن هي تبقى من البرامج القريبة للتحفيز العالي مقارنة بالتفاعل الحقيقي مع الطفل. صحيح هي تحجي بطريقة مناسبة للأطفال، تتفاعل وياهم، وتساعد على تنمية اللغة، ولهذا تعتبر أفضل من هواي برامج أطفال ثانية. لكن بالنهاية تبقى شاشة، والطفل يندمج وياها أكثر من اندماجه بالواقع، لذلك ما يصير تكون هي المصدر الأساسي للتعلم أو التسلية. وبصراحة، هذا مجرد رأيي الشخصي، أشوف أكو بعض الأفكار والمشاهد بمحتواها ما تتناسب ويا مجتمعنا وثقافتنا. 😬 ومع هذا كله، أني مو ضدها ولا أهاجمها، لأن فعلاً هي شخص رائع و هواي أطفال يحبوها. لكن مصلحة الطفل تظل أهم من أي برنامج. 🤍 إذا قررتوا تشغلونها لطفلكم، خلي استخدامها باعتدال، وخلو التفاعل الحقيقي، اللعب، والقراءة مع الطفل ياخذون الحصة الأكبر من يومه. #تربية_الأطفال #تطور_الطفل #شاشات_الأطفال #أم_وطفل #اطفال

zainabalqaysii

Open In TikTok:

Region: AE

Wednesday 08 July 2026 15:00:00 GMT