दशकौंसम्म यो धर्तीलाई प्रेरित गरेकोमा धन्यवाद, लिजेन्ड! जितको खुसी र हारको रोदन—यी दुवै मान्छेले आफ्नै सन्तुष्टिका लागि बनाएका भ्रम हुन्। आज मैदानमा पोर्चुगल पराजित भयो वा स्पेन जित्यो भन्ने कुरा ब्रह्माण्डको यो अनन्त समय चक्रमा एउटा सानो कण भन्दा बढी केही पनि होइन। तर रोनाल्डोका ती आँसु, ती केवल एउटा खेल हारेका मान्छेका आँसु होइनन्। ती आँसु त आफ्नो नश्वर शरीर (Biological Body) र उमेरको क्रूर नियमसँग लड्दा-लड्दै थाकेको एउटा 'महान् अहम्' को आत्मसमर्पण हो। म यो हारमा कुनै दुःख देख्दिनँ। दुःख त तब हुन्थ्यो, यदि उनले नलडीकन मैदान छोडेका भए। प्रकृति र समयको नियम यस्तो छ कि यसले एकदिन सबैभन्दा बलियो बाघलाई पनि वृद्ध बनाउँछ र ढलाउँछ। रोनाल्डोले दशकौंसम्म त्यो नियमलाई चुनौती दिए, उमेरलाई गिज्याए र मान्छेको क्षमताको सीमालाई नयाँ उचाइ दिए। आज समयले उनलाई जितेको हो, कुनै टिम वा रणनीतिले होइन। समयसँग त एकदिन सिङ्गो देश, साम्राज्य र हामी सबै हार्नु नै छ। यो संसारमा मान्छेहरू एउटा सानो असफलतामा टुट्छन्, सानो अभावमा प्रणाली (System) लाई दोष दिएर पन्छिन्छन्। तर रोनाल्डो त्यो दर्शन हुन्, जसले सिकाए कि तिमी संसारको जुनसुकै कुनाको एउटा गरिब र अँध्यारो कोठामा जन्मिए पनि, तिम्रो संकल्प बलियो छ भने तिमी सिङ्गो पृथ्वीको चेतनालाई हल्लाउन सक्छौ। उनले करोडौं युवाहरूको मगजमा एउटा कुरा स्थापित गरिदिए—"तिमी को हौ भन्ने कुरा तिम्रो जन्मले होइन, तिम्रो पागलपन र अनुशासनले तय गर्छ।" खेल त सकियो, ९० मिनेटको नाटक पनि सकियो। अब भोलिदेखि मिडियाले नयाँ विजेताको गुनगान गाउनेछ, किनकि यो बजार र संसारको नियम नै यही हो—उनीहरू गुडिरहेको गाडीको पछाडि मात्र दौडिन्छन्। तर इतिहासको पानामा त्यो विजेताको नाम केवल एउटा तथ्याङ्क बनेर रहनेछ, जबकि रोनाल्डोको यो हार एउटा महाकाव्य बनेर अमर रहनेछ। आज रोनाल्डो रोएका होइनन्, आज त क्रूर समयले एउटा महानायकलाई जबर्जस्ती बिदा दिँदा सिङ्गो फुटबलको आत्मा रोएको हो। शिर ठाडो राख, लिजेन्ड। तिमीले साम्राज्य गुमायौ होला, तर तिमीले मान्छेलाई 'लड्न' सिकाएर आफैंमा एउटा जीवन्त इतिहास बनिसकेका छौ। 🇵🇹👑 #TheHardTruth #TimeAndFate #CosmicLaw #Legacy #Balen - @yugantar2