@tz727699b3s: သိပြီးပြီလား?" ၁ ဖြစ်ပျက်နေတဲ့ သင်္ခါရတွေကို ကြည့်ရတာ အရှိန်ရနေပြီး၊ အဲ့ဒီအရှိန်ကနေ ရုန်းထွက်ကာ အေးငြိမ်ရာကို ကူးပြောင်းဖို့ ဉာဏ်မရင့်သေးခြင်း ၂။ဝိပဿနာအလင်းရောင် ပီတိ၊ သုခ ဆုံးဖြတ်ချက်သန်ခြင်း အဓိမောက္ခ တို့ကို တရားထူးထင်ပြီး လမ်းခုလတ်၌ ရပ်တန့်နေခြင်း။ ၃။ဖြစ်ပျက်ကို ကိုယ်တိုင်မြင်ခြင်းထက် "ဒါကတော့ ဖြစ်ပျက်ပဲ" ဟု စိတ်ကူးဖြင့် လိုက်ဆိုနေခြင်း သညာသိဖြင့် ဝိပဿနာလုပ်နေခြင်း။ ၄။သင်္ခါရတရားတို့အပေါ် အကောင်းအဆိုးမခွဲဘဲ အလယ်အလတ် သဘောဖြင့် မရှုနိုင်သေးဘဲ အားစိုက်မှု လွန်ကဲနေခြင်း။ ၅။ရှုကွက်ထဲမှာ ပုံသဏ္ဌာန်၊ နာမည်၊ အရောင်အဆင်း (ပညတ်) တွေ ရောနှောနေသဖြင့် ရုပ်နာမ်စစ်စစ် (ပရမတ်) ကို မမိခြင်း။ ၆။ပျက်တာကိုသာ မြင်ပြီး ငါမဟုတ်၊ အစိုးမရ ဆိုတဲ့ သဘောကို ဉာဏ်ထဲမှာ ပိုင်ပိုင်နိုင်နိုင် မရှင်းလင်းခြင်း။ ၇။ဝီရိယလွန်ကဲသဖြင့် စိတ်ပူပန် (ဥဒ္ဓစ္စ) ဖြစ်ခြင်း သို့မဟုတ် သမာဓိလွန်ကဲသဖြင့် ထိုင်းမှိုင်း (ကောသဇ္ဇ) ဖြစ်ခြင်း။ ၈။ အစ ဖြစ် တာကိုပဲ စောင့်ကြည့်နေမိပြီး အဆုံး ပျက်သွားတာကို ဉာဏ်က ထပ်ကြပ်မလိုက်နိုင်ခြင်း။ ၉။လောကီအာရုံ ဖြစ်ပျက် ကို လက်လွှတ်ရမှာကို စိုးရိမ်စိတ် ကပ်ငြိနေခြင်း။ ၁၀။အပေါ်ယံ အာရုံကြောင့်ဖြစ်သော ကိလေသာကို သိသော်လည်း ကိန်းဝပ်နေသော ဒိဋ္ဌိ၊ ဝိစိကိစ္ဆာ မျိုးစေ့ကို မဖြတ်နိုင်သေးခြင်း။ ၁၁။နိဗ္ဗာန်ဆိုသည်မှာ အလင်းတန်းကြီး သို့မဟုတ် နေရာတစ်ခုဟု မှားယွင်းစွာ ကြိုတင်ပုံဖော်နေခြင်း။ ၁၂။ ငါ ဘယ်တော့ရမလဲ ဆိုတဲ့ လိုချင်စိတ် တဏှာ က ဝိပဿနာဉာဏ်ကို ဖုံးလွှမ်းနေခြင်း။ ၁၃။"ငါက ဒိဋ္ဌိဖြုတ်နေတယ်" ဟု ငါစွဲဖြင့် တရားအားထုတ်နေခြင်း (သက္ကာယဒိဋ္ဌိ အောက်ခြေမပြတ်ခြင်း)။ ၁၄။ "ငါလုပ်တာ မှန်ရဲ့လား၊ ဒီလမ်းက နိဗ္ဗာန်ရောက်မှာလား" ဟု ကျင့်စဉ်အပေါ် ယုံကြည်မှု လှုပ်ရှားခြင်း။ ၁၅။မိမိ၏ ရှုကွက်ကြည်လင်မှုကို အကြောင်းပြု၍ အားမထုတ်သူများအပေါ် အထင်သေးစိတ် ဖြစ်ပေါ်ခြင်း။ ၁၆။ဒုက္ခသစ္စာ ဖြစ်ပျက် ကို မြင်သော်လည်း သမုဒယ တွယ်တာမှု ကို မပယ်နိုင်သေးခြင်း။ ၁၇။တရားမတက်ဟု ထင်သည့်အခါ ဝီရိယ လျှော့ချပစ်ခြင်း။ ၁၈။တရားသဘောတွေ တစ်သီကြီး ပေါ်လာသည့်အခါ ဉာဏ်က မလိုက်နိုင်ဘဲ စိတ်လှုပ်ရှားပြီး သမာဓိပျက်ခြင်း။ ၁၉။ငြိမ်သက်သောအာရုံကိုသာ ရှုချင်ပြီး ဆူညံပူလောင်သောအာရုံကို ရှောင်လွှဲလိုခြင်း (တုဏှီဘော မဖြစ်ခြင်း)။ ၂၀။ကိလေသာ ခဏငြိမ်နေသည်ကိုပင် မဂ်ဖိုလ်ရပြီဟု ကိုယ့်ကိုယ်ကိုယ် လှည့်စားမိခြင်း။ ၂၁။တရားထိုင်ချိန်၌သာ သတိရှိပြီး ဣရိယာပုထ် ၄ ပါး၌ သတိမလိုက်နိုင်ခြင်း။ ၂၂။မျက်စိ နား နှာ စသည်တို့က တိုက်သော အာရုံကို မနောဒွါရက လက်ခံ၍ အတွေးပွားနေခြင်း။ ၂၃။ဝိပဿနာ အဟုန်ကို စကားပြောခြင်းဖြင့် ဖျောက်ပစ်ခြင်း။ ၂၄။ကိုယ်တိုင်ဉာဏ်ဖြင့် ဆုံးဖြတ်ရမည့်နေရာ၌ ဆရာ့ကိုသာ မေးနေပြီး ကိုယ်ပိုင်ဉာဏ် မပွင့်ခြင်း ၂၅။စိတ်ပါမှ ကျင့်ခြင်း ပျင်းရိခြင်းကြောင့် ဝိပဿနာအဟုန်ပြတ်တောက်ခြင်း။ ၂၆။အစားလွန်၍ ငိုက်ခြင်း သို့မဟုတ် အိပ်ရေးပျက်၍ စိတ်မကြည်လင်ခြင်း။ ၂၇။ဖြစ်ပျက်ကို မြင်သော်လည်း "ဘာကြောင့်ဖြစ်တာလဲ၊ ဘယ်လိုချုပ်တာလဲ" ဟု အကြောင်းအကျိုး မဆင်ခြင်ခြင်း။ ၂၈။ အားထုတ်နေစဉ် မိသားစု၊ စီးပွားရေး အာရုံများ ကြားဖြတ်ဝင်လာခြင်း။ ၂၉။ခန္ဓာကိုယ်ကို ရွံရှာဖွယ်၊ ကြောက်လန့်ဖွယ်ဟု မမြင်ဘဲ လှပတင့်တယ်သည်ဟု စိတ်က ခိုးယူစွဲလမ်းနေခြင်း။ ၃၀။အသေးအဖွဲ သီလချို့ယွင်းမှုကြောင့် စိတ်ထဲ၌ နောင်တ (ကုက္ကုစ္စ) ဖြစ်ကာ သမာဓိမရခြင်း။ ၃၁။ဖြစ်ပျက်ကို မြင်သော်လည်း ကြောက်စရာဟု မထင်ဘဲ ကစားစရာအဖြစ်သာ သဘောထားနေခြင်း။ ၃၂။ဖြစ်ပျက်က အရသာရှိနေသဖြင့် သံသရာကို မငြီးငွေ့နိုင်ခြင်း။ ၃၃။စိတ်ကြည်လင်မှုနောက်၌ ပုန်းကွယ်နေသော ကိလေသာမြူကို မမြင်နိုင်ခြင်း။ ၃၄။သစ္စာလေးပါးနှင့် လျော်ညီစွာ အစဉ်လိုက် ဉာဏ်မစီနိုင်ခြင်း။ ၃၅။ဖြစ်ပျက်ကို ရှုနေရင်း အတိတ်က အတွေ့အကြုံ သို့မဟုတ် အနာဂတ် ရလဒ်ကို မျှော်လင့်နေခြင်း။ ၃၆။စိတ်ဖြစ်ပျက်မှုကို ပုံရိပ်အဖြစ်သာ မြင်ပြီး စိတ္တက္ခဏအလိုက် မခွဲနိုင်ခြင်း။ ၃၇။ဝေဒနာနောက်၌ တဏှာမလိုက်အောင် သတိဖြင့် မတားဆီးနိုင်ခြင်း။ ၃၈။မြင်လျှင် မြင်သည့်အပေါ်၌ သာယာမှု သို့မဟုတ် မနှစ်သက်မှု ဖြစ်ပေါ်ခြင်း။ ၃၉။ရုပ်နာမ်တို့ကို ဓာတ်သဘာဝအထိ အမှုန်အမွှားဖြစ်အောင် ဉာဏ်ဖြင့် မခွဲနိုင်ခြင်း။ ၄၀။ငြိမ်သက်မှုကို သာယာပြီး ဝိပဿနာဘက်သို့ ဉာဏ်မလှည့်နိုင်ခြင်း။ ၄၁။သင်္ခါရုပက္ခာဉာဏ်၏ အေးငြိမ်းမှုကို နိဗ္ဗာန်ရောက်ပြီဟု မှားယွင်းစွာ ယူဆခြင်း။ ၄၂။ပျက်တာကို သိသော်လည်း ဒုက္ခ ဟု နှလုံးမသွင်းနိုင်ခြင်း။ ၄၃။"ငါ့ခန္ဓာ" မဟုတ်ဟု သိသော်လည်း "ငါ့တရား၊ ငါ့ရှုကွက်" ဟု စွဲနေခြင်း။ ၄၄။မသိမသာဖြစ်သော တွေးတောယုံမှားမှုများကို ဉာဏ်က မမိခြင်း။ ၄၅။သဒ္ဓါလွန်၍ ပညာနည်းခြင်း သို့မဟုတ် ပညာလွန်၍ သဒ္ဓါနည်းခြင်း။ ၄၆။နောက်ထပ် ခန္ဓာရဦးမည့် ဘေးကို ဉာဏ်ဖြင့် ထိုးထွင်းမမြင်ခြင်း။ ၄၇။နိဗ္ဗာန်ကို ရလိုမှု ပြင်းပြလွန်း၍ စိတ်မအေးခြင်း။ ၄၈။ဝိပဿနာရှုရသည်ကိုပင် အလုပ်တစ်ခုလို သဘောကျပြီး တဏှာဝင်နေခြင်း။ ခရက်ဒစ် - မူရင်းရေးသားပြုစုသူ #တဆင့်ပြန်လည်မျှဝေပါသည်။ #vipassanabhavana #ကျင့်ဆဲယောဂီ #fyp

🪷 သ န့် 🪷

Open In TikTok:

Region: MM

Monday 06 July 2026 23:18:07 GMT