2021 жылғы Асем… Мектепті үздік бітірді. Бірақ грантқа түсе алмады. 1 жыл бойы ҰБТ-ға дайындалып, ата-анасының үмітін ақтай алмадым деп көз жасына ерік берген 16 жастағы қыз үшін сол сәтте өмір тоқтап қалғандай көрінген еді. Жоспары басқа болатын. Алдағы 4 жылымды Алматыда өткіземін деп армандаған. Бірақ тағдырдың жоспары мүлде бөлек екен. «Турецкая квота» арқылы Түркістаннан тегін оқу мүмкіндігі шықты. Барғым келмеді. Көзімді жұма салып, амалсыздан келдім. Ең қызығы — оқу 4 жыл емес, 5 жыл екен. «Неге Түркістан? Неге дәл осы қала? Ауыл сияқты ғой, мама… Қалай оқимын мұнда? Мені Алматыға ауыстырыңыздаршы…» Осы сөздерді қанша рет айтқанымды өзім де ұмыттым. Бірақ өмір кейде бізді барғымыз келмеген жерге апарып, ең үлкен бақытымызды дәл сол жерден сыйлайды екен. Бүгін көпшілік танитын asssemde дәл осы Түркістанның арқасында қалыптасты. Осы қала маған адамдарды сыйлады. Достарды сыйлады. Жұмысты сыйлады. Тәжірибе сыйлады. Өзімді табуға мүмкіндік берді. Бес жыл бұрын кеткім келген қала… Бүгін қимайтын қалаға айналды. Бүгін Түркістанға келуімнің басты себебі аяқталды. Дипломымды қолыма алдым. Бірақ мойындаймын… Мен бұл қаланы да, осы жерде бастаған жұмысымды да қимаймын. Кейде тағдыр саған есікті өзің қалаған жерден емес, дәл саған керек жерден ашады екен. Сол үшін өмірдің әр бұрылығында бір қайыр бар екеніне бүгін шын сенемін. ❤️ #туркестан #турецкаяквота #мкту #asssemde - @asssemde