@tanhayyy44: ئەڵێن شوت کرد... ئەڵێن چوویت و لە مالێکی تردا نیشتی، منیشت لێرە، لە ناو چاوەڕوانییەکی بێ کۆتاییدا جێهێشت... کاتێک وتیان: «ئیتر هی ئەو نییە و مێردی کرد»، تەواوی جیهان لە پێش چاومدا، بوو بە کڕێوە و سەرما و بەرد. تۆ چوویت... بەڵام پرسیارێک وەک خەنجەر لە ناخمدا چەقیوە، ئەی من؟ ئەی ئەو هەموو بەڵێن و عەهدەی لە نێوانماندا چنراوە؟ ئەی من؟ کە تەمەنم لەسەر هیوایەک بە ناوی تۆوە دانا، ئێستا لە کام سووچی ئەم شارە غەریبەدا، خۆم بشارمەوە بە تەنیا؟ ئەڵێن شوت کرد... پیرۆزت بێت، گەر ئەمە بڕیاری دڵت بێت، بەڵام پێم بڵێ، کاتێک ئەڵقەی ئەو لە پەنجەت دەکەی، چۆن ناوی منت لە بیر دەچێتەوە؟ چۆن ئەو کووچە و کۆڵانانەت بیر دەچێت، کە پێکەوە پێمان لێنا؟ ئەی من چۆن کاتەکان بکوژم، کە هەمووی بۆنی تۆی لێدێت؟ خەندەکانت بۆ ئەو و گریان و حەسرەت بۆ منی تەنیا، دەستەکانت لە دەستی ئەو و باوەشی من پڕ لە سەرما، ماڵی نوێت ئاوەدان و ژوورەکەی من وەک وێرانە، ئەمەیە دادپەروەریی دنیا، یان حوکمی زاڵمی زەمانە؟ من لێرە، لەگەڵ سێبەرەکەمدا دانیشتووم و دەپرسم: چۆن توانیت بەسەر جەستەی ماندووی حەزەکانمدا تێپەڕیت؟ چۆن نازناوی "هاوسەر"ت بە کەسێکی تر بەخشی، لە کاتێکدا من شایەنی بووم؟ ئۆباڵی ئەم تەمەنە شێواوەم، ئەم دڵە پارچەپارچەبووەم، لە ئەستۆی کێیە؟ لە ئەستۆی تۆ، یان ڕووداوە چەوتەکانی ڕۆژگار؟ ئەڵێن شوت کرد... موبارەکت بێت، من دڵم ناڕەشە بۆت، بەڵام تەنیا وەڵامێکی ئەم "ئەی من؟"ـەم بەرەوە... منێک کە غەیری تۆ کەسم نەبوو، ئێستا بە کێ بڵێم "کەسم"؟ تۆ چوویت و بوویت بە بەشی یەکێکی تر، منیش مامەوە و بووم بە کۆیلەی حەسرەت و دەردی خۆم.

چـۆڵستان،

Open In TikTok:

Region: IQ

Tuesday 07 July 2026 04:27:24 GMT