@6ozp1: 1. ‏ماتت طموحات العمر في رجا الياس ‏واستوطن الضيق الحنايا وْأسرها 2. ‏أضحك بوجه الناس وأقول: لاباس ‏والنفس في غيب السراير قهرها 3. ‏أجرّ صوتي في خفا الليل حسّاس ‏والعين دمـع الذكريات انهمرها 4. ‏راحت حكايا الحب مع هبّة النّاس ‏واقفت ركاب اللّي سكن في نظرها 5. ‏أقسى مرار يعيشه المرء بإحساس ‏صدمة غلا من روح كان يْذخرها 6. ‏بنيت من صرح الأماني بلا ساس ‏وهدّت مقادير الليالي أثرها 7. ‏يا ليل يا جامع همومي بـلا قياس ‏يا ستر عبراتٍ عيوني سترها 8. ‏كم جيت لك عاني ومن ضيقتي تِعاس ‏أبكي على أطلال السنين وصِورها 9. ‏صارت ملامح دنيتي مابها إيناس ‏لو تضحك الدنيا جفاني ثمرها 10. ‏جرّعتني الأيام من مرّ جلاّس ‏كاس الغبون اللّي شربت مْكدرها 11. ‏ما عاد يغري خاطري رقة أنفاس ‏ولا عاد تفرق لو جفاني دهرها 12. ‏الخاطر المكسور ما يجبره كاس ‏لو صبّت الأيام صافي نهرها 13. ‏بيني وبين الفرح عازل وحرّاس ‏ودروب عمري غامضٍ منحدرها 14. ‏يا طول مشوار العنا والوفا جّاس ‏في ديرةٍ باعت غلا من كبرها 15. ‏تعبت أساير غربة الروح بالياس ‏وتعبت أداري دمعةٍ مَ انتظرها 16. ‏الناس تظنّ إني من الهمّ مِيّاس ‏ما دروا بـ نارٍ بالضماير سعرها 17. ‏سجنت حزني بين الأضلاع باحباس ‏لأن الشكاوي للـخلايق دحرها 18. ‏صارت أمانينا كذا حبر قرطاس ‏تذري بها ريح الفراق وشجرها 19. ‏أطرد سراب الحلم والناس جلاّس ‏لين العيون أعمى غشاها سهرها 20. ‏أستغفر الله كلّ ما هبّ نسّاس ‏على سنينٍ ضاع فدوة عمرها #درب_الخطر #ارشيف #foryou #explore #fyp

A

Open In TikTok:

Region: SA

Tuesday 07 July 2026 07:00:24 GMT