کبھی فرصت میں بیٹھوں گا تو اُن سب لمحوں کو لفظوں میں قید کروں گا أن لمحوں کو جنہیں میں نے اپنی دعاؤں، اپنی دھڑکنوں اور اپنی خاموشیوں میں بسایا تھا۔ وہ خواب جو میری آنکھوں میں آباد تھے، وہ خواہشیں جن کے سہارے میں نے زندگی جینا سیکھی تھی... مگر قسمت نے اُنہیں حقیقت بننے ہی نہ دیا۔ کچھ لوگ زندگی میں آتے ہیں اور دل کا پورا جہان اپنے نام کر جاتے ہیں، مگر نصیب اُنہیں ہمیشہ کے لیے اپنا بنانے کی اجازت نہیں دیتا۔ میں نے بھی ایک دنیا بسائی تھی ... مگر وقت نے اُسے میری آنکھوں کے سامنے آہستہ آہستہ بکھیر دیا۔ زندگی کی مصروفیت، لوگوں کی بے حسی اور وقت کی سختی نے میرے ہر خوبصورت خواب کو خاموشی سے دفن کر دیا۔ اب نہ وہ ہنسی باقی رہی نہ وہ سکون نہ وہ امید... بس یادیں ہیں جو ہر رات دل کے زخموں کو پھر سے تازہ کر دیتی ہیں۔ کبھی سوچتا ہوں... اگر وہ سب لمحے حقیقت بن جاتے تو شاید آج دل اتنا ویران نہ ہوتا، آنکھیں ہر رات نم نہ ہوتیں، اور مسکراہٹ صرف لوگوں کو دکھانے کے لیے نہ سجانی پڑتی۔ اب تو ہر خواب ایک ادھوری داستان ہے ہر خواہش ایک خاموش قبر اور ہر یاد دل کے کسی سنسان کونے میں سسک رہی ہے۔ سائیں... کبھی فرصت ملی تو ان خوابوں کا نوحہ بھی لکھوں گا، جنہیں میں نے اپنی پوری جان سے چاہا تھا ... مگر قسمت نے اُنہیں جینے کا ایک لمحہ بھی نصیب نہ ہونے دیا۔ شاید اُس دن میری تحریر نہیں، میرا ٹوٹا ہوا دل بولے گا اور ہر لفظ پڑھنے والے کی آنکھ نم کر جائے گا... #unfreezed_my_id_tiktok #1millionaudition #growmyaccount #creatorsearchinsights #foryou - @habib__baloch