@wajdi.alhakim: في أول 38 سنة من عمره... نور الشريف عمره ما شاف وش أبوه. كان عنده 9 شهور بس لما والده توفى، وكبر وهو فاكر إن عمه هو والده الحقيقي، لحد أول يوم دخل فيه المدرسة. المدرس نادى: "محمد جابر محمد." .فضل ساكت. لأنه كان فاكر إن اسمه "نور إسماعيل". لكن المدرس قاله انت مش نور إسماعيل انت محمد جابر روح بيته وسأل و بعدها عرف الحقيقة... عرف إن والده مات وهو رضيع، وإن الرجل اللي ربّاه هو عمه، مش أبوه. من اليوم ده، بقى عنده سؤال واحد عمره ما لقى له إجابة: "كان شكله عامل إزاي؟" الغريب إن كل اللي عرفه عن والده ماكانش صورة... كان كلام الناس. كان يروح للحلاق لوحده وهو طفل، فيسألوا: "الولد ده ابن مين؟" فيرد الحلاق: "ده محمد ابن المرحوم جابر." وفجأة يبدأ كل اللي في المكان يترحموا عليه... "الله يرحمه... كان راجل محترم." "كان صاحب خُلق." "كان طيب وجدع." نور الشريف قال إنه كان يسمع الكلام ده، فيرسم في خياله صورة لأب عظيم... من غير ما يكون شاف ملامحه ولو مرة واحدة. ومرت السنين... لحد سنة 1984، أثناء تصوير فيلم "آخر الرجال المحترمين"، بنت عمه جابت له صورة قديمة لوالده. كانت دي أول مرة في حياته يشوف وش أبوه. وقف يتأمل الصورة كتتييير ، ولاحظ إن والده كان بشنب فطلب من الماكيير في الفيلم يعمل له نفس الشنب اللي كان والده بيظهر بيه في الصورة. مش علشان الدور ، لكن علشان يحس، ولو لمرة واحدة، إنه قريب من ملامح الأب اللي اتحرم منه قبل ما يفتكره. الله يرحمهم ويغفر لهم ويسكنهم فسيح جناته #نور_الشريف #وجدي_الحكيم

Wajdi AlHakim

Open In TikTok:

Region: EG

Tuesday 07 July 2026 12:52:26 GMT