@1z_290: السادس مو مرحلة عادية حاله حال باقي المراحل . السادس معركة نفسية وجسدية وعقلية ، راح تمر بضروف عادية تمر لكل البشر بس بالسادس تحس ابسط ضرف حامل جبل فوگ ضهرك من الهم ، والصبر يصير اصعب شي فضلاً عن الامال المعلقة عليك من اهلك وناسك ودائرتك هاي وحدها اصعب من كل الضروف كل ثانية تفكر الف مره "شلون اذا خيبت ضنهم؟" شلون اذا مجبت معدل ؟" وشلون تلحگها شلون ، اسوء مرحلة ممكن تمر على الانسان هية السادس متعرف شنو تسوي تقرة لو تخليها على الحظ وعلى الله وتفكر بأية من كتابنا الكريم ، بسم الله الرحمن الرحيم {وأن ليسَ للإنسانِ إلا ما سعى} هاي الاية راح تعيشك جحيم من التناقض بينك وبين نفسك تضل حاير ومتعرف وين تروح وتضل تسعى وتسعى وتشوف تعبك يروح وية الهوى وراح تدخل بدائرة تناقض اكبر من الچنت بيها غير فكرة التأجيل المرض الي راح تاكل وتشرب وياك والمشكلة الاكبر اذا چان عندك بس هاي السنة متگدر تعيد لان جاي تشوف اهلك يتعبون اضعاف تعبك وانت واگف تباوع عليهم وهمه ينتضرون منك تفرحهم وميدرون انتِ بشنو تحس او تفكر او شتريد تسوي وشنو الي بنفسك تضل تحت امر الواقع لا انت المتقدم ولا انت الواگف ولا انت الراجع بس بالنهاية راح تدرك وتشوف انُ الله راسملك طريق اخر شي انت متوقعة ومراح تعرف شلون راح توصل لهذا الطريق وراح تعرف النجاح مو بالمعدل ولا بالسادس النجاح من تصير قريب على رب العالمين وتلزتم بالمفروض عليك من ربك وتحمد وتشكر الله وتتوكل علية هذا هوَ النجاح الحقيقي 🤍💔. #محمد_ند_السادس #السادس #دفعة2026 #محمد_نصير

محمد ند السادس

Open In TikTok:

Region: IQ

Tuesday 07 July 2026 13:12:54 GMT