මේ අවුරුද්ද මට ජීවිතය ගැන පුදුම විදිහට කියා දුන්නා. එක අතකින් බලද්දී හරිම අමාරු, හිත රිදුණු කාලයක්. හැබැයි ඒ හැම රිදීමක් අස්සෙන්ම මම වෙනදාට වඩා ශක්තිමත් කෙනෙක් වුණා හැබැයි.. ඇත්තටම මේ කාලය ඇතුළේ මම මිනිස්සුන්ව ගොඩක් අඳුරගත්තා. ළඟම ඉන්නවා කියපු අය, කවදාවත් දාලා යන්නේ නෑ කියපු අය, තමන්ගේ වාසියට විතරක් ළඟ හිටපු අය කවුද කියලා මට හොදට තේරුණා. සමහර අයව ජීවිතෙන් ඈත් කරන්න සිද්ධ වුණේ හිතේ ලොකු වේදනාවකින්. ඒත් ඒ හැම අතහැරීමක්ම අවසානයේ මගේ හිතට ලොකු නිදහසක් ගෙනාවා. කාටවත්ම මාව ලේසියෙන් වට්ටන්න බැහැ කියන හැඟීම මට ලැබුණේ ඒ හිස්තැන් එක්ක තනියම නැගිටින්න ඉගෙන ගත්ත නිසයි.. වැරදුණු තැන්, බිඳුණු බලාපොරොත්තු හැමදේම මාව අලුත් මනුස්සයෙක් කළා. ජීවිතේ හැමදේම අපිට ඕන විදිහටම වෙන්නේ නෑ කියන ඇත්ත මම පිළිගත්තා. ඉවසන්න ඕන තැන් වගේම, නිශ්ශබ්ද වෙන්න ඕන තැන් මොනවාද කියලා මම දැන් හොඳටම දන්නවා. මේ අවුරුද්ද මාව ගොඩක් ඇඬෙව්වා තමයි. හැබැයි ඒ හැම කඳුළක්ම මට ජීවත් වෙන්න ලොකු හයියක් දුන්නා. අද මම ඉන්නේ වෙනදාට වඩා ගොඩක් සැනසීමෙන් සහ නිදහස් හැඟීමකින්. ඒ නිසා, මේ ගෙවිලා යන්නේ මගේ ජීවිතේ මට ලැබුණු හොඳම සහ වටිනාම පාඩම් ටිකයි..!!❤️‍🩹❤️‍🩹An...#shaan_qoutes - @chamod__hirushan