🍆🤍 مقلوبة الباذنجان بطريقتي… قالب بيشهي من أول نظرة هالوصفة من أطيب الأكلات اللي بتطلع شكلها مرتب وطعمها أطيب من الشكل نفسه 😍 كل طبقة فيها محسوبة لتطلع بالنهاية مقلوبة مظبوطة ولا أروع! 📌 المكونات: 🔸 اللحمة: • ¾ كيلو لحمة • سمنة • ملح + فلفل أسود 🔸 باقي المكونات: • 5 حبات باذنجان كبار (مقلية) • 4 كاسات رز مصري قصير (منقوع ومغسول) • بندورة مقطعة شرائح 🔸 للتزيين: • لحمة مفرومة مقلاية • لوز محمّص • قشرة بندورة 👩‍🍳 الطريقة: ببلّش بحمّر اللحمة بالسمنة مع الملح والفلفل لحتى تاخد لون وطعم حلو. بقلي الباذنجان وبجهز الرز المنقوع. بطنجرة الطبخ بحط شرائح البندورة بأسفل الطنجرة، وبعدين برصّ شرايح الباذنجان عالطرف بشكل مرتب حتى يمسك شكل القالب وما يطلع رز من الجوانب، وكمان بغطّي القاع منيح بشرايح باذنجان. فوقهم بحط الرز، وبطوي قطع الباذنجان على الوجه، وبحط شريحة باذنجان بالوسط، وحولها دوائر بندورة سميكة للتزيين. بضيف السمنة والماء المغلي لحتى يغطي الرز، وبخليها تغلي منيح على النار لحتى يشرب الرز المي. بغطي الطنجرة وبحط نايلون غذائي تحت الغطا ليحبس البخار ويخلي الاستواء مضبوط. بهدّي النار حوالي 30 دقيقة لحتى تستوي وتنشف المي تمام. بعدها بقلب الطنجرة بهدوء… وبيطلع القالب مرتب وما في ولا حبة رز برا 😍 بزينها باللحمة ولوز محمص وقشرة بندورة ملفوفة على شكل وردة 🤍 ✨ طبق بيعطي شكل فخم وطعم بيجنن…⁩⁩ - @walaa.al.hdr94