@jiyanov_: Болалар пули асоссиз тўхтатилдими? Ҳуқуқингизни талаб қилинг!   Ўзбекистонда кам таъминланган оилаларга болалар нафақаси 12 ой муддатга тайинланади. Ижтимоий ходим ёки бирор-бир мутасадди ўзбошимчалик билан нафақани муддатидан олдин тўхтатиб қўйишга МУТЛАҚО ҲАҚҚИ ЙЎҚ!   Агар нафақа тизимдаги техник омилларсиз, ходимнинг хатоси ёки ноқонуний қарори туфайли тўхтатилса, бу қонунбузилиш ҳисобланади. Нафақа аслида қайси ҳолларда АВТОМАТИК («Ягона реестр») равишда рад этилади? Агар оилада қуйидагилардан лоақал биттаси мавжуд бўлса, тизим нафақани ўзи рад этади:   ·         🚗 Автомобиль: Ишлаб чиқарилганига 7 йил тўлмаган янги енгил автомобиль ёки муддатидан қатъи назар 2 ва ундан ортиқ машина бўлса. ·         🏠 Кўчмас мулк: Оила аъзолари номида 2 ёки ундан ортиқ уй/квартира ёхуд нотурар жой биноси бўлса. ·         🌱 Ер майдони: Белгиланган меъёрдан ортиқ томорқа ёки деҳқон хўжалиги ери бўлса. ·         💼 Расмий даромад йўқлиги: Оилада меҳнатга лаёқатли, лекин ишламайдиган ва Бандлик марказида рўйхатдан ўтмаган оила аъзоси бўлса (бола парваришидагилар ва талабалар бундан мустасно).   Қонунбузар ходимларни қандай жазо кутмоқда? Нафақа ва ижтимоий тўловларни тайинлаш ҳамда тўлаш тартибини бузганлик, уларни асоссиз тўхтатиб қўйганлик учун масъул ходимлар қуйидагича жазоланади: 1.      Маъмурий жарималар: o    Мансабдор шахсларга БҲМнинг 10 бараваридан 15 бараваригача жарима. o    Худди шу ҳуқуқбузарлик бир йил давомида қайта содир этилса — БҲМнинг 15 бараваридан 30 бараваригача жарима. 2.      Интизомий жазо (Меҳнат кодексига асосан): o    Хизмат вазифасига совуққонлик билан ёндашгани учун ходимга ҳайфсан, ойлик иш ҳақининг 50% гача миқдорида жарима берилиши ёки ишдан бўшатилиши мумкин.   Нафақа асоссиз тўхтатилса, қаерга мурожаат қилиш керак? Муҳим ҳуқуқингиз: Агар текширув натижасида нафақа ҳақиқатан ҳам ходимнинг хатоси ёки асоссиз қарори билан тўхтатилгани аниқланса, давлат сизга тўланмай қолган барча ойларнинг пулини тўлиқ қайтариб тўлаб беради!   Қуйидаги идораларга расмий шикоят юборинг: ·         📞 Ижтимоий ҳимоя миллий агентлиги «Ишонч телефони»: 1140 ·         ⚖️ Прокуратура органларига 1007 (Ижтимоий қонунчилик ижросини назорат қилувчи асосий орган). ·         💻 Онлайн тарзда: my.gov.uz ёки Президент виртуал қабулхонаси (1000). Ўз ҳуқуқингизни билинг ва талаб қилинг! Яқинларга ҳам улашинг.

Jahongir Jiyanov

Open In TikTok:

Region: DE

Tuesday 07 July 2026 17:14:45 GMT