@bakunews.az: Son günlər redaksiyamıza "Any Unboxing" adlı platformanın fəaliyyəti ilə bağlı çoxsaylı vətəndaş müraciətləri daxil olmaqdadır. Müraciətlərdə vətəndaşlar bu sistem vasitəsilə müxtəlif məbləğlərdə vəsait yatırdıqlarını, lakin sonradan platformanın fəaliyyətinin dayandığını və yatırdıqları pulları geri ala bilmədiklərini iddia edirlər. Redaksiyamıza təqdim olunan məlumatlara görə, zərərçəkdiyini bildirən şəxslər sistemdə 20 minə yaxın iştirakçının olduğunu və onların əhəmiyyətli hissəsinin maddi zərərə məruz qaldığını bildirirlər. Sosial şəbəkələrdə yayılan paylaşımlarda isə "Any Unboxing" şirkətinin 1,5 milyon manat vəsait topladıqdan sonra fəaliyyətini dayandırdığı iddia olunur. Həmin paylaşımlarda aidiyyəti dövlət qurumlarına müraciət edilərək məsul şəxslərin müəyyən edilərək qanun qarşısında cavab verməsi tələb edilir. Bununla belə, bu rəqəmlər və digər məlumatlar hazırda rəsmi qurumlar tərəfindən təsdiqlənməyib. Redaksiyamıza daxil olan son məlumatlarda platformanın rəhbəri kimi təqdim olunan "Noah" adlı şəxsin əslində Azərbaycan vətəndaşı olduğu iddia edilir. Müraciət müəlliflərinin sözlərinə görə, layihənin Azərbaycandakı fəaliyyətinə isə Arzu xanımın rəhbərlik etdiyi bildirilir. Şikayətçilər iddia edirlər ki, sistem iştirakçılara yüksək gəlir vəd etməklə onları platformaya cəlb edib. Lakin sonradan ödənişlərin dayandırıldığı, platformaya giriş imkanlarının məhdudlaşdığı və məsul şəxslərlə əlaqənin kəsildiyi bildirilir. Redaksiyamıza daxil olan çoxsaylı müraciətlər və sosial şəbəkələrdə yayılan məlumatlar nəzərə alınaraq aidiyyəti hüquq-mühafizə orqanlarının bu məsələni araşdırması, iddiaların həqiqətə uyğun olub-olmamasına hüquqi qiymət verməsi zəruri görünür. Eyni zamanda, "Any Unboxing", "Noah" və adı hallandırılan Arzu xanımın mövqeyini dərc etməyə hazırıq. Qarşı tərəfin açıqlaması redaksiyamıza təqdim ediləcəyi halda heç bir redaktə aparılmadan yayımlanacaq. Qeyd: Məqalədə yer alan məlumatlar redaksiyamıza daxil olmuş vətəndaş müraciətlərinə və sosial şəbəkələrdə yayılan paylaşımlara əsaslanan iddialardır. Bu iddiaların doğruluğuna hüquqi qiyməti yalnız səlahiyyətli dövlət orqanlarının araşdırması və məhkəmə qərarı verə bilər.#şikayət #dələduzluq #kiber #fy #sos

BakuNews.az

Open In TikTok:

Region: AZ

Tuesday 07 July 2026 20:48:16 GMT