@amlzaki49: عارف ليه حسام حسن عمل الحركة دي؟ عشان الحركة دي اسمها "لا للعنصرية"، وهي حركة جديدة مبقالهاش سنتين وبقت تريند عالمي دلوقتي بسبب اللي عمله كابتن حسام! حسام حسن رفع إشارة "لا للعنصرية" ‼️٫ المدير الفني لمنتخب مصر حسام حسن قرر يستخدم حقه القانوني لكن برضه الحكم عمل نفسه مش شايف.. إشارة "لا للعنصرية" هي حركة جسدية اعتمدها الاتحاد الدولي لكرة القدم (FIFA)، وتُنفذ بتقاطع الذراعين عند المعصمين لتشكيل حرف (X). صُممت لتمكين اللاعبين والمدربين والحكام من الإبلاغ الفوري عن أي إساءة عنصرية، مما يدفع الحكم لبدء إجراءات صارمة من ثلاث خطوات - إيقاف المباراة - تعليق المباراة - إلغاء المباراة الحكم استكمل المباراة!! ولو سألت نفسك: هل احنا تعرضنا للعنصرية؟ الإجابة ايوة، وبشكل صريح.. الحكم الفرنسي مكنش دوره مجرد إنه ياخد قرارات غلط تتقفش بسرعة، لاء، ده كان جاي يضغط اللاعيبة ويهبّطهم نفسياً بقراراته. يعني يلغي هدف صحيح عادي جداً، يحسب فاولات من أقل لمسة ضدنا، يتحيز بشكل فج، وميحسبش لينا أي فاول. ده غير إنه كان نازل يوزع إنذارات وميرضاش يوقف اللعب. والقشة اللي قطمت ضهر البعير كانت في الهدف التالت؛ لما صلاح وقع في منطقة الجزاء، الحكم أدى ضهره ليه ورفض تماماً إنه يبص، ومن الهجمة دي بالذات خرج هدف الفوز! وحتّى الفارق (VAR) رفض يبص عليه.. كل ده عشان واخد أمر واضح: الأرجنتين لازم تتأهل تحت أي ظرف. طيب ليه معملوش الحركة دي مع منتخب أمريكا مثلاً؟ عشان ميسي ببساطة أهم من أمريكا كلها، هو الحلقة الأهم في منظومة الرأسمالية دي. ميسي هو اللي جابوه الدوري الأمريكي أصلاً عشان ينظموا بيه كأس العالم ويبيعوا بيه البطولة دي تسويقياً. والكل عارف إن انفانتينو مسك الفيفا لأجل عيون ترامب، ده غير إن أمريكا نفسها لعبة كورة القدم مش هي الرياضة الشعبية الأولى عندهم، دي بتيجي في الترتيب الرابع أو الخامس. فأيوة، الحركة اللي عملها حسام حسن في محلها جداً. احنا "فيصنا" بسبب التحكيم، وخرجنا بفساد تحكيمي وسياسي صريح، وعشان كده الحركة دي تستحق بقوة إنها تكون تريند وتلف العالم كله. شكراً. -منقول #لاللعنصرية
