@onboard.ae: Replying to @عشوائيات وصلتني تعليقات كثيرة تقول: “الموظف يشتغل… والمدير هو اللي يعرض.” “نجهز التقارير… وفي النهاية المدير ياخذ الفضل.” “ليش أتعب إذا في النهاية اسمه هو اللي ينذكر؟” والحقيقة؟ هذا جزء طبيعي من التسلسل الإداري في أغلب الجهات. المدير مو مطلوب منه يسوي كل شيء بنفسه. مثل ما أنت ترفع شغلك لمديرك، مديرك يرفع شغله لمديره، ومديره يرفعه للقيادات الأعلى. وهذا ما يقلل من قيمة شغلك. بالعكس. إذا مديرك يعتمد عليك في تقرير أو عرض بيروح للقيادات، فهذا معناه إنه يثق في جودة شغلك، ويثق إن اسمه بيكون في أمان إذا طلع شغلك تحت اسمه. المشكلة الحقيقية مو إن مديرك عرض شغلك. المشكلة إذا أنت الوحيد اللي يعرف إنك سويت الشغل. وثّق إنجازاتك. تكلم عن مساهماتك في الوقت المناسب. وابنِ سمعتك المهنية داخل الجهة. لأن الموظف الذكي ما يسأل: “ليش مديري عرض شغلي؟” يسأل: “هل يعرف الناس إنني الشخص اللي يعتمدون عليه في الشغل المهم؟” #موظف_شاطر #شطارة #ذكي #موظف_ذكي #تعليق

271

2026-07-08 06:17:31

To see more videos from user @onboard.ae, please go to the Tikwm homepage.