លោក ហ៊ុន តូ ពង្រីកការគ្រប់គ្រងដីបឹងតាមោក ក្រោយដៃគូវិនិយោគរងទណ្ឌកម្មបាត់ខ្លួន ............. ឧកញ៉ាដ៏លេចធ្លោមួយរូបនៅកម្ពុជា គឺលោក ហ៊ុន តូ និងដៃគូវិនិយោគរបស់លោកឈ្មោះ ឈិន អាយឡែន បានក្តោបក្តាប់ដីដ៏ធំល្វឹងល្វើយប្រមាណ ១០០ហិកតា នៅតំបន់ដីសើមបឹងតាមោកដែលកំពុងតែរួមតូចទៅៗក្នុងរាជធានីភ្នំពេញ។ ដីនេះត្រូវបានប៉ាន់ប្រមាណថា មានតម្លៃចន្លោះពី ២លាន ទៅ ៣លានដុល្លារអាមេរិកក្នុងមួយហិកតា។ យ៉ាងណា បច្ចុប្បន្ននេះ លោក ហ៊ុន តូ កំពុងតែសាងសង់ផ្ទះវីឡាដ៏ស្កឹមស្កៃ និងសំណង់ផ្សេងទៀតនៅលើដីដែលមានតម្លៃមហាសាលនោះ ខណៈលោក ឈិន ដែលបានទិញដីបឹងតាមោករួមគ្នាជាមួយលោក បានបាត់ខ្លួន ក្រោយរងទណ្ឌកម្មសហរដ្ឋអាមេរិក ពាក់ព័ន្ធនឹងការជួញដូរមនុស្ស និងមជ្ឈមណ្ឌលឆបោកតាមអនឡាញ។ មកទល់ពេលនេះ គេនៅពុំទាន់មានដំណឹងពីទីតាំងរបស់លោក ឈិន ហើយទ្រព្យសម្បត្តិជាសកលរបស់លោកក៏ត្រូវបានបង្កក ខណៈលោក ហ៊ុន តូ ដែលជាក្មួយប្រុសរបស់លោក ហ៊ុន សែន បានគ្រប់គ្រងដីនៅបឹងតាមោកនោះតែម្នាក់ឯង។ សំណួរត្រូវបានចោទឡើងថា តើចំណែកលុយរបស់លោក ឈិន នៅក្នុងទឹកប្រាក់រួមគ្នាជាមួយលោក ហ៊ុន តូ នោះ នៅឯណា? ហើយតើលុយនោះមានប្រភពចេញពីបណ្តាញឆបោក និងការជួញដូរមនុស្សដែលជាហេតុនាំឱ្យលោករងទណ្ឌកម្មដែរឬទេ? សូមទស្សនាព័ត៌មានស៊ើបអង្កេត ស្តីអំពី «លោក ហ៊ុន តូ ពង្រីកការគ្រប់គ្រងដីបឹងតាមោក ក្រោយដៃគូវិនិយោគរងទណ្ឌកម្មបាត់ខ្លួន» ដែលរៀបចំជូនដោយកញ្ញា ប៉ា សុខេង៖ ............. ដើម្បីស្វែងរកព័ត៌មានផ្សេងទៀត សូមចូលទៅកាន់៖ 👉យូធូប (YouTube) https://www.youtube.com/VODNewsTV 👉ហ្វេសប៊ុក(Facebook) https://www.facebook.com/VODKhmer 👉តិកតុក(TikTok) https://www.tiktok.com/@vodkhmer 👉តេលេក្រាម(Telegram) https://t.me/vod_new - @vodkhmer