@basit.baloch795: هَیال ءِ کانچ ءِ بادگیرے شر کُتگ تو شر کُتگ گوں بے زُبانیں بانڈماں هبر کُتگ تو شر کُتگ اِے چار روچ ءِ زِندگی اِنت هَرچی دِل گُش اِیت بہ کن هَما نہ کرتگیں گُناه دوبر کُتگ تو شر کُتگ هَمُک هِساب ءَ زِر تئی لال ءُ گوهراں زوال کَنت وت ءَ گوں تْیاب ءِ چولاں چیر ءُ سَر کُتگ تو شر کُتگ من چو کدی نہ گُشتگ پَهک تو من ءَ شمشتگ ئے بَرے بَرے هَیال گوں من گْور کُتگ تو شر کُتگ چہ تُنّ ءَ جوهسرانی مرگ آپ نستگیں مِر اَنت چُشیں زبهریں موسُم ءَ سَبر کُتگ تو شر کُتگ تئی نِشان کاؔزی گِندگ ءَ نہ اِیت ماں دَپتَراَں چہ پد گُشیں زَمانَگ ءَ سَپر کُتگ تو شر کُتگ ( مُـبارک کـاؔزی )

Basit Baloch

Open In TikTok:

Region: AE

Wednesday 08 July 2026 17:42:30 GMT