ஒரே ஒரு கணம் போதும்... வாழ்க்கை தலைகீழாக மாற. நல்லவர்கள் கெட்டவர்களாகி விடுகிறார்கள். கெட்டவர்கள் நல்லவர்களாகத் தெரிந்து விடுகிறார்கள். நண்பன் எதிரியாகி விடுகிறான். எதிரி நண்பனாகி விடுகிறான். முன்பின் அறிமுகமில்லாத இருவர் காதலர்களாகிறார்கள். உயிருக்கு உயிராய் நேசித்த காதலர்கள், ஒருநாள் அந்நியர்களாகி விடுகிறார்கள். ஒருபுறம் திருமண மேடைகளில் வாழ்வுகள் இணைகின்றன; மறுபுறம் நீதிமன்ற வாசல்களில் அதே வாழ்வுகள் பிரிகின்றன. சில உறவுகள் பிறக்கின்றன. சில உறவுகள் புதைக்கப்படுகின்றன. நேற்று "என்றும்" என்று சத்தியம் செய்தவர்கள், இன்று "யாரோ" என்று கடந்து செல்கிறார்கள். காலம் யாருக்காகவும் நிற்பதில்லை. மனிதர்களும் அப்படித்தான். இந்த உலகத்தில் நிலையானது எதுவுமில்லை... நிலையற்ற மாற்றம் மட்டுமே நித்தியம். - @wwwmadhan.com