🔵مێژوویا ڤێ مەدالییێ دزڤڕیتەڤە بۆ سالا 1947 و ل سالا 2011 گوهۆڕین د یاسایا وێدا هاتنەکرن، خەلات ب سەرپەرشتییا سەرۆککۆمارییا ئیتالیا، ل سەر پێشنیارا وەزیرێ دەرڤە، دهێتە بەخشین ب وان کەساتییێن بیانی یێن کو ڕۆلەکێ بەرچاڤ و کاریگەر هەبوویە د بهێزکرنا پەیوەندییێن د ناڤبەرا وەلاتێ وان و ئیتالیادا. بۆچی نێچیرڤان بارزانی ئەڤ مەدالییە وەرگرت؟ وەرگرتنا ڤێ مەدالییێ ب پلا "خاچا مەزن" (کو بلندترین پلا ڤی خەلاتییە) ژلایێ نێچیرڤان بارزانیڤە، بۆ ڕێزلێنانێیە ل دۆر بزاڤێن وی یێن بەردەوام د پێشڤەبرنا پەیوەندییێن دوو لایەنی د چەند بوارێن ستراتیژیدا، ژ وان ژی: 🔹بوارێ ئەمنی و لەشکەری: پشته‌ڤانیکرنا هێزێن ئیتالیا د ناڤ هەڤپەیمانییا ناڤدەولەتیدا و هەماهەنگیکرن ل گەل هێزێن پێشمەرگەى. 🔹بوارێ کولتووری: ئاسانکاریکرن و پشتگیریکرنا تیمێن شوینوارناسی یێن ئیتالی ئەوێن ل هەرێما کوردستانێ کار دکەن. 🔹دیپلۆماسی و مرۆڤی: ڕۆلێ سەرۆکێ هەرێمێ د پاراستنا پێکهاتەیێن ئایینی و نەتەوەییدا و دروستکرنا ژینگەهەکا سەقامگیر بۆ پێکڤەژیانێ. گرنگییا ڤی خەلاتی وەرگرتنا ڤێ مەدالییێ ئاماژەیەکا ڕۆن یا دیپلۆماسییە بۆ پێگەهێ هەرێمێ د ناڤ سیاسەتا دەرڤە یا ئیتالیا و ئەوڕۆپادا. حکومەتا ئیتالیا ب ڤێ گاڤێ دوپات دکەت کو هەرێما کوردستانێ هەڤپشکەکە جهێ باوەرییێیە ل ڕۆژهەلاتا ناڤین. ئەڤێ مەدالییێ پەیامەکا سیاسی یا گرنگ ژی د ناڤدا هەیە؛ ئەو ژی نیشاندانا پشته‌ڤانییا بەردەوام یا ڕۆمایە بۆ سەقامگیری و گەشەپێدانا هەرێما کوردستانێ د قۆناغا پشتی شەڕێ تیرۆرێدا. بڕیارا بەخشینا ڤی خەلاتی د دەمەکیدایە کو ئیدارەیا تڕەمپی و هەڤپەیمانێن وێ یێن ناتۆ، جەختێ ل سەر بهێزکرنا پەیوەندییان دکەن ل گەل وان لایەنێن کو ڕۆلێ وان د ئاسایشا دەڤەرێدا هەی. #nechirvanbarzani #barzani - @kurdpdk