@classicranya: ڕاستە میدیا لە بنەڕەتدا ئامرازێکی سەرەکییە بۆ گەیاندنی زانیاری و هەواڵ، بەڵام ئەرکی ڕاستەقینەی میدیا لێرەدا کۆتایی نایەت. پێویستە لە پاڵ هەر بەرنامە و بەرهەمێکی میدیاییدا، ڕەهەندێکی پەروەردەیی تەندروست و نامەیەکی ئەخلاقیی بەرز بوونی هەبێت بۆ ئاڕاستەکردنی کۆمەڵگە. ​میدیاکار پێش هەر شتێک دەبێت خۆی ببێتە نموونەی ئەو هۆشیارییە. ئەگەر وەک ئەزموونی خۆم لەم بوارەدا نموونەیەک بهێنمەوە؛ لە مۆندیالی ٢٠٠٦دا، کە سەرجەم یارییەکانی لە ٦٤ یاری پێکدەهات، من شەرەفی ئامادەکردن و پێشکەشکردنی بەرنامەی تایبەتم بۆ ٥٤ یاری هەبوو. لە تەواوی ئەو ماوەیە و لە لوتکەی ململانێ و جۆش و خرۆشی وەرزشیدا، هەمیشە پابەندی پرەنسیپە پیشەییەکان بووم. ​هیچ کاتێک، نە وشەیەکی نەشیاو لە دەنگمەوە بیسترا و نە هەڵسوکەوتێکی نابەجێم ئەنجامدا؛ هەمیشە هەوڵمدا بێلایەنانە و تەنیا لەسەر بنەمای ئاستی هونەریی هەڵبژاردە و یاریزانەکان قسە بکەم، بە جۆرێک کە دڵی هیچ بینەر و لایەنگرێک لە خۆم زویر نەکەم. ​میدیای سەرکەوتوو و هۆشیار، ئەو میدیایەیە کە دەتوانێت هاوسەنگی لە نێوان ڕاکێشانی سەرنجی بینەر و پاراستنی بەها ئەخلاقی و کۆمەڵایەتییەکاندا دروست بکات. میدیاکاری وەرزشی: عوسمان ئەحمەد لەگەڵ ڕێزدا

Classic Ranya

Open In TikTok:

Region: IQ

Wednesday 08 July 2026 19:01:09 GMT