តើអ្វីទៅជា Performance Account ? Performance Account គឺមិនមែនជាគណនីសម្រាប់ Trader ទូទៅប្រើប្រាស់ដោយសេរីនោះទេ វាគឺជា គណនីសិប្បនិម្មិតកម្រិតខ្ពស់ ដែលត្រូវបានបង្កើតឡើងក្រោមគោលបំណងពិសេស ភាគច្រើនគឺដើម្បីបម្រើឱ្យសកម្មភាពទីផ្សារ (Marketing) និងការកសាងរូបភាពទាក់ទាញ។ គោលបំណងពិត និងការប្រើប្រាស់ Broker ប្រើប្រាស់ Performance Account នេះជាអាវុធសម្ងាត់ ដោយផ្ដល់វាទៅឱ្យក្រុម KOLs ឬ Influencers ល្បីៗក្នុងវិស័យ Trading យកទៅប្រើប្រាស់ក្នុងរូបភាពទាក់ទាញ៖ • ទាក់ទាញ Audience នៅលើអេក្រង់ទូរស័ព្ទរបស់ KOL វានឹង ជាមួយតួលេខចំណេញរាប់ពាន់ រាប់ម៉ឺនដុល្លារជារៀងរាល់ថ្ងៃ ដើម្បីជម្រុញចិត្តឱ្យអ្នកមើលចង់ជួញដូរតាមភ្លាមៗ។ • កសាង Profile របស់ KOL វាជួយជម្រុញឱ្យ KOL នោះមើលទៅដូចជា Trader Professional កាលណា Audience កាន់តែមានទំនុកចិត្ត ពួកគេនឹងងាយស្រួលចុច Link បង្កើតគណនី និងដាក់លុយពិតជាមួួយ Idol ។ History Withdrawal ចំណុចដែលធ្វើឱ្យមនុស្សជាច្រើនចាញ់បោក និងជឿជាក់ស្លុងនោះគឺ ប្រវត្តិដកលុយ ។ មនុស្សភាគច្រើនតែងតែយល់ច្រឡំថា ប្រសិនបើឃើញមានប្រវត្តិដកលុយជោគជ័យបង្ហាញលើអេក្រង់ នោះច្បាស់ជាគណនីលុយពិតប្រាកដហើយ។ ប៉ុន្តែនៅក្នុងប្រព័ន្ធគ្រប់គ្រង Backend History Withdrawal អាចបង្កើតឡើងបានយ៉ាងរលូន ប្រព័ន្ធ Backend របស់ Broker អាចបញ្ចូលទិន្នន័យប្រវត្តិដកដាក់លុយមកបង្ហាញនៅលើគណនីរបស់ KOL បានយ៉ាងងាយស្រួលបំផុត។ ចុះបើក្លែងក្លាយ ហេតុអ្វីបានជាពួកគេមានលុយទិញឡាន ទិញផ្ទះ ហ៊ឺហាខ្លាំងម្ល៉េះ? នេះជាសំណួរដែលអ្នកអានជាច្រើនប្រាកដជាឆ្ងល់។ ការពិតលុយរាប់សែនលានដុល្លារដែលពួកគេយកមកទិញសម្ភារៈនិយម និងបង្ហាញ Lifestyle ឡូយឆាយទាំងនោះ មិនមែនបានមកពីជំនាញ Trading ឈ្នះទីផ្សាររបស់ពួកគេឡើយ ប៉ុន្តែវាបានមកពីការជឿជាក់របស់អ្នកទៅលើពួកគេនេះឯង។ ប្រភពលុយពិតប្រាកដរបស់ពួកគេគឺ៖ •ប្រព័ន្ធ Copy Trade និងការចុះឈ្មោះតាម Referral នៅពេលអ្នកមើលលង់ជឿ ហើយចាប់ផ្ដើមចុះឈ្មោះបង្កើតគណនី ឬចូលទៅប្រើប្រាស់ប្រព័ន្ធ Copy Trade ជួញដូរតាម KOL ទាំងនោះអ្នកបានក្លាយជាឧបករណ៍រកលុយឱ្យពួកគេដោយមិនដឹងខ្លួន។ •លុយកម្រៃជើងសារ រាល់ពេលដែលអ្នកចុច Trade ទោះបីជាអ្នកចំណេញឬខាត ក៏ IDOL ទាំងនោះទទួលបានលុយ Commission ពី Broker ជានិច្ច។ មនុស្សជឿកាន់តែច្រើន លុយរត់ចូលហោប៉ៅ KOL កាន់តែក្រែល ។ ការបែងចែកលុយ Net Deposit កិច្ចព្រមព្រៀងសម្ងាត់ជាមួយ KOL ក្នុងការបែងចែកភាគលាភពីទឹកប្រាក់សុទ្ធដែល Trader ដាក់បញ្ចូលទៅក្នុងប្រព័ន្ធ។ មានន័យថា នៅពេលដែលអ្នកជឿគេ ហើយដាក់លុយទៅកាន់តែច្រើន រួចជួញដូរខាតបង់រលាយអស់ ទឹកប្រាក់ដែលអ្នកខាតបង់ទាំងនោះ នឹងត្រូវយកមកបែងចែកគ្នាជាភាគរយរវាងម្ចាស់ Broker និង KOL ផ្ទាល់តែម្តង។ គណនីបែបនេះ ភាគច្រើនខ្ញុំឃើញនៅក្នុងក្រុមហ៊ុន Broker តូចៗរបស់បរទេស ដែលដំណើរការប្រព័ន្ធបែបធូររលុង និងគ្មានការត្រួតពិនិត្យពីស្ថាប័នហិរញ្ញវត្ថុអន្តរជាតិធំៗត្រឹមត្រូវនោះឡើយ។ ចំណុចសំខាន់បំផុតគឺ ក្រុមហ៊ុន Broker ប្រភេទនេះមិនមានអាជ្ញាប័ណ្ណ ឬការទទួលស្គាល់ស្របច្បាប់ណាមួយពីនិយតករមូលបត្រកម្ពុជា (ន.ម.ក.) ឡើយ។ ពួកគេគ្រាន់តែប្រើប្រាស់បណ្ដាញសង្គម ដើម្បីជ្រៀតជ្រែកធ្វើទីផ្សារបោកប្រាស់ និងប្រមូលលុយពី Trader នៅក្នុងស្រុកតែប៉ុណ្ណោះ។ ★មេរៀនសម្រាប់ Trader គ្រប់រូប អ្វីដែលយើងឃើញនៅលើបណ្ដាញសង្គម មិនមែនសុទ្ធតែជាការពិតទាំងអស់នោះទេ។ ការជួញដូរដែលជោគជ័យពិតប្រាកដ គឺកើតចេញពីវិន័យ ចំណេះដឹង និងការគ្រប់គ្រងហានិភ័យផ្ទាល់ខ្លួន មិនមែនកើតចេញពីការរត់តាមរូបភាពល្បួងចិត្ត ឬគណនីសម្តែងដែលគេរៀបចំឡើងនោះឡើយ។មុននឹងជឿជាក់លើលទ្ធផលរបស់នរណាម្នាក់ ត្រូវវិភាគឱ្យបានហ្មត់ចត់ និងដឹងពីល្បិចកលទីផ្សារទាំងនេះ។ ត្រូវជ្រើសរើសជួញដូរជាមួយ Broker ណាដែលមានច្បាប់ទម្លាប់ និងអាជ្ញាប័ណ្ណត្រឹមត្រូវច្បាស់លាស់។ រៀនដឹង និង ស្វែងយល់ពីទីផ្សារឱ្យពិតប្រាកដ ហើយជួញដូរដោយការទទួលខុសត្រូវលើដើមទុនរបស់ខ្លួនឯង។ Cambo Insights - @gm_zen6