#BreakingNews #TamilNews #SriLanka #TrendingNews #FYP தமிழ்நாடு, கடையநல்லூர் பகுதியில் உள்ள காதர் மொய்தீன் பெரிய குத்பா ஜும்ஆ பள்ளிவாசலில் மனதை உருக்கும் சம்பவம் ஒன்று இடம்பெற்றுள்ளது. சமூக வலைத்தளங்களில் பரவி வரும் CCTV காட்சியின்படி, ரஹ்மான் என்ற தையல் தொழிலாளி, கடந்த ஜூலை 6 அன்று லுஹர் தொழுகையை நிறைவு செய்த பின்னர் சுன்னத் தொழுகைக்காக நாற்காலியில் அமர்ந்திருந்தபோது திடீரென உடல்நலக்குறைவு ஏற்பட்டு உயிரிழந்ததாக கூறப்படுகிறது. தகவல்களின்படி, அவர் மதியம் சுமார் 1.30 மணியளவில் பள்ளிவாசலில் அமர்ந்திருந்த நிலையில் உயிர் பிரிந்துள்ளார். பின்னர் மாலை தொழுகைக்காக வந்தவர்கள், இகாமத் சொல்லப்பட்டபோது அவரை எழுப்ப முயன்றபோதுதான் அவர் ஏற்கனவே உயிரிழந்திருந்தது தெரியவந்ததாக கூறப்படுகிறது. இந்த சம்பவம் தொடர்பான CCTV காட்சிகள் தற்போது சமூக வலைத்தளங்களில் வேகமாக பரவி வருகின்றன. எனினும், இந்த சம்பவம் குறித்த அதிகாரப்பூர்வ காவல்துறை அல்லது மருத்துவ அறிக்கை வெளியாகவில்லை; எனவே சமூக ஊடகங்களில் பரவி வரும் தகவல்களின் அடிப்படையிலேயே இந்த விவரங்கள் பகிரப்படுகின்றன. இந்தச் சம்பவம், மரணம் எப்போது, எந்த நேரத்தில் வரும் என்பதை யாராலும் கணிக்க முடியாது என்பதை மீண்டும் ஒருமுறை உணர்த்துவதாக பலரும் கருத்து தெரிவித்து வருகின்றனர். இறைவன் அவர்களின் பாவங்களை மன்னித்து, உயர்ந்த சுவனப் பதவியை வழங்குவானாக. ஆமீன். - @rif.media.net