@band_dareecha.1: میں نے کبھی مہنگی چیزیں نہیں مانگیں۔ نہ بڑے وعدے، نہ جھوٹی قسمیں، نہ دنیا بھر کی محبت۔ مجھے تو بس تھوڑی سی اہمیت چاہیے تھی۔ تھوڑا سا وقت… تھوڑی سی توجہ… اور یہ احساس کہ میں بھی کسی کے لیے خاص ہوں۔ مگر شاید میں غلط جگہ دل لگا بیٹھی تھی۔” “میں نے تمہارے ہر موڈ کو سمجھا، ہر غصہ برداشت کیا، ہر خاموشی میں تمہارا ساتھ دیا۔ تم دیر سے آئے، میں نے انتظار کیا۔ تم بدل گئے، میں نے خود کو بدل لیا۔ تم نے کم بات کی، میں نے شکایت چھوڑ دی۔ کیونکہ مجھے لگتا تھا محبت میں صبر کرنا پڑتا ہے۔” “مگر پھر ایک دن اچانک احساس ہوا… میں صرف نبھا رہی ہوں، اور تم صرف عادت پوری کر رہے ہو۔” “جانتے ہو عورت سب سے زیادہ کب ٹوٹتی ہے؟ جب اُسے یہ محسوس ہو کہ جس شخص کے لیے وہ خود کو ہر دن تھوڑا تھوڑا ختم کر رہی تھی، اُس شخص کے لیے اُس کی کوئی قیمت ہی نہیں۔ تب عورت دوسروں سے نہیں… خود سے ناراض ہو جاتی ہے۔” “میں آئینے کے سامنے کھڑی ہو کر خود سے پوچھتی تھی… آخر مجھ میں کمی کیا تھی؟ میری محبت کم تھی؟ میرا خلوص جھوٹا تھا؟ یا میں واقعی اتنی معمولی تھی کہ تمہیں میرا کھو جانے کا ڈر ہی نہیں لگا؟” “اور سب سے زیادہ درد تب ہوا جب میں نے خود کو بدلتے دیکھا۔ پہلے میں خود پر فخر کیا کرتی تھی۔ اپنی ہنسی اچھی لگتی تھی، اپنی باتیں پیاری لگتی تھیں۔ مگر تمہاری بےرخی نے مجھے خود سے ہی نفرت کرنا سکھا دیا۔” “میں اپنی بےقدری پر بہت روئی یار… کیونکہ میں نے خود کو کبھی اتنا سستا نہیں سمجھا تھا کہ کوئی جب چاہے مجھے یاد کرے، جب چاہے نظر انداز کر دے، اور میں پھر بھی وہیں کھڑی رہوں۔” “محبت میں عورت تب نہیں ہارتی جب اُسے چھوڑ دیا جائے… عورت تب ہار جاتی ہے جب وہ اپنی ہی نظروں میں کم ہونے لگے۔ اور میں شاید وہیں ٹوٹ گئی تھی… جہاں مجھے احساس ہوا کہ میں کسی کے لیے سب کچھ تھی ہی نہیں۔ 💔 . . . . . . . . . . . #fyp #viewsproblem #foryou #unfreezemyacount #pleasetiktokteamviralvideo💯

𓆩𝐁ن𝐝 𝐃ریچہ𓆪 ✨

Open In TikTok:

Region: US

Thursday 09 July 2026 08:58:13 GMT