@masteraj_: Kung ang langit ay malapit lang, baka matagal na kitang pinuntahan. Hindi para hilinging bumalik ka, dahil alam kong may mga bagay na hindi na kayang ibalik ng kahit anong dasal. Gusto ko lang sanang makita ka kahit sandali. Gusto ko lang malaman kung masaya ka na. Marami pa akong hindi nasabi. Marami pa akong gustong ikuwento. Ang dami nang nangyari simula nang mawala ka sa buhay ko. May mga araw na gusto kitang hanapin, pero ang tanging kaya ko lang gawin ay tumingala sa langit at umasang kahit papaano, naririnig mo pa rin ako. Alam mo ba? May mga pagkakataong okay naman ako. Natatawa, nakakapagtrabaho, nakikisalamuha sa iba. Pero may mga gabing bigla kitang maaalala at doon ko mararamdaman na may parte pa rin ng puso ko na hanggang ngayon, ikaw pa rin ang hinahanap. Kung ang langit ay malapit lang, hindi ako hihingi ng marami. Isang yakap lang. Isang pagkakataong makita kang ngumiti. At isang pagkakataong sabihin sa'yo ang mga salitang hindi ko na naabutang sabihin habang nandito ka pa. Kasi may mga taong kahit matagal nang wala, sila pa rin ang tahanang hinahanap ng puso mo. At ikaw... isa ka roon. #words #masteraj

MasterAJ 🖤

Open In TikTok:

Region: PH

Thursday 09 July 2026 10:00:00 GMT