@chanelrubymoon: #Law_OR_Rule [ភាគ:៦៦] ព្រះរាជាអាជ្ញាឈរកាន់កែវកាហ្វេផ្អែកខ្នងនឹងជញ្ជាំងសម្លឹងទៅក្រៅបង្អួច ព្រឹកព្រលឹមថ្ងៃថ្មីនេះជាថ្ងៃឈប់សម្រាកមិនទៅបំពេញការងារឡើយ។ តុកៗ* «ហ៊ីណាន់ដូ គឺម៉ាក់» «បាទអញ្ចើញចូល...អារុណសួស្ដីម៉ាក់»កម្លោះញញឹមរាក់ទាក់ម្ដាយ «ក្មេងៗថាកូនរកកាហ្វេផឹកតាំងពីព្រលឹមម៉ាក់ដឹងថាកូនក្រោកហើយក៏មកលេងទៅ»ម្ដាយស្ថិតក្នុងឈុតគេងយប់នៅមិនទាន់បានមុជទឹកនៅឡើយទេឯក្នុងដៃកាន់ipadជាប់ «មិនមកលេងធម្មតាទេ»ហ៊ីណាន់ដូសើច ឃើញម្ដាយកាន់ipadក៏ដឹងថាគាត់អាចនឹងយកអីមកអោយមើលហើយ «ពិតជាពូកែមែនលោកព្រះរាជអាជ្ញា! តាមពិតគឺអញ្ចេះទេលោកយាយកូនអោយម៉ាក់ជួយរើសគ្រឿងពេជ្រចង់ផ្ញើរជាកាដូទៅជូនព្រះនាងសម្រាប់ថ្ងៃកំណើត តែម៉ាក់មិនដឹងរើសមួយណាចង់អោយកូនជួយមើល»ចំណាស់ដាក់ខ្លួនអង្គុយចុះលើពូក ហ៊ីណាន់ដូក៏ដើរមករកម្ដាយសម្លឹងមើលអេក្រង់ipadជាមួយគ្នា ពិភាក្សាយ៉ាងយូរទើបរើសបានម៉ូដខ្សែរកដ៏ស្រស់ស្អាតមួយដោយការសម្រិតសម្រាំងបំផុត បង្ហាញថាអ្នកទទួលអំណោយមានភាពសំខាន់យ៉ាងខ្លាំងសម្រាប់អ្នករើសកាដូ។ «អញ្ចឹងយើងសម្រេចយកមួយនេះហើយ?» «បាទ!» «កូនដូដឹងទេ?ពេលដំបូងដែលកូនថាព្រមនឹងផ្ដាច់ពាក្យម៉ាក់អស់សង្ឃឹមខ្លាំងមែនទែន...ម៉ាក់ដឹងថាការផ្ដាច់ពាក្យមិនបានធ្វើអោយខាងយើងខាតបង់ទេបើប្រៀបនឹងខាងព្រះនាងគឺខាងទ្រង់ទេជាអ្នកខាតបង់ដូចកំពុងបាត់បង់ចន្ទល់ពឹងផ្អែក ប៉ុន្តែគិតសព្វៗទៅម៉ាក់យល់ថាយើងក៏ខាតបង់ដែរព្រោះម៉ាក់ដឹងថាកូនស្រឡាញ់ព្រះនាងយ៉ាងខ្លាំង ម៉ាក់ខ្លាចថាកូននឹងត្រូវខូចចិត្តទើបមកទល់នឹងពេលនេះទាំងម៉ាក់នឹងប៉ាព្រមទាំងតាយាយនៅតែជួយជម្រុញកូនពីក្រោយ» ហ៊ីណាន់ដូញញឹមយល់ច្បាស់ពីអត្ថន័យដែលបង្កប់ក្នុងសម្ដីម្ដាយ «បាទអរគុណ អរគុណដែលគាំទ្រកូនពីក្រោយ មានប៉ាម៉ាលោកតាលោកយាយជួយបង្ហាញក្ដីស្រឡាញ់ទៅកាន់ព្រះនាង ព្រះនាងអាចនឹងឆាប់ចិត្តទន់» «ម៉ាក់យល់ថាឥឡូវល្អជាងមុនហើយ សឹងតែថាល្អជាងពេលនៅជាគូរដណ្ដឹងផង» «កូនសង្ឃឹមអញ្ចឹងចុះ...» «អូខេម៉ាក់ទៅមុជទឹកសិនហើយអញ្ចឹង»ម្ដាយក្រោកដើរចេញទៅ ហ៊ីណាន់ដូក៏ដើរតាមពីក្រោយក្នុងបំណងទៅបើកទ្វារជូន «ម៉ាក់...»កម្លោះហៅម្ដាយស្រាលៗ «ហ្ហឹមម?!?» «ម៉ាក់ថាវីលសង្ហាទេ?» សំណួរដ៏ចម្លែកចេញពីមាត់ហ៊ីណាន់ដូ ទាញយកសម្លេងសើចរបស់ម្ដាយបាន «ហិហិ~ហេតុអីសុខៗកូនសួរបែបនេះ? អ៉ឹម..ឈប់សិនអោយម៉ាក់គិតបន្តិច! អេ៎...មែនហើយសង្ហា សង្ហាណាស់តើពេលកូននិយាយទើបម៉ាក់ចាប់អារម្មណ៍ មែនហើយវីលសង្ហាណាស់» ហ៊ីណាន់ដូញញឹម «កូនក៏គិតបែបនឹងដូចគ្នា» «បើអស់អីហើយម៉ាក់ទៅហើយ ឆាប់ចុះទៅញ៉ាំអាហារពេលព្រឹកផងកូន» «បាទ!»កម្លោះសើចដាក់ម្ដាយ ក្រឹប..!ទ្វារទាញបិទស្នាមញញឹមក៏បាត់បង់ ជំហានវែងៗដើរទៅឈរផ្អែកខ្នងនឹងជញ្ជាំងសម្លឹងទៅក្រៅបង្អួចកាន់កែវកាហ្វេផឹកដូចមុននេះម្ដងទៀត ភ្នែកបាញ់សម្លឹងមើលកូនចៅជំនិតរបស់ខ្លួនដែលកំពុងលាងឡាន ទឹកមុខមាំពិបាកនឹងស្មានចុងក្រោយក៏អុកកែវកាហ្វេលើតុជាមួយកម្លាំងដៃធ្ងន់លើសធម្មតា មុនសម្រេចចិត្តដើរទៅបន្ទប់ទឹកសម្អាតខ្លួន។ រាងកាយល្អឥតខ្ចោះដើរចេញពីបន្ទប់ទឹកវិញជូតសក់សើមតិចៗ សម្ដៅទៅរកទូរស័ព្ទដៃដែលកំពុងញ័រ អេក្រង់បង្ហាញឈ្មោះព្រីនសេសក្រេសទើបកម្លោះរហ័សលើកទទួល "ជម្រាបសួរព្រីនសេសក្រេស" "អាឡូ!ណាន់ណាន់គឺខ្ញុំទេ" ទឹកដមសម្លេងផ្អែមពិរោះអង្រួនយកស្នាមញញឹមព្រះរាជអាជ្ញាបានភ្លាម "អារុណសួស្តីអូន អូនមានការអីមែនទេ" "ទាល់តែមានការបានខលរកបងបាន?" "កុំខូចពេក រករឿងធ្វើបាបបងម្លេះ" "ហិហិ មិនធ្វើបងបាបមួយថ្ងៃចុះ! ខ្ញុំខលទៅចង់សួរបញ្ជាក់ថាបងពិតជាមិនធ្វើការមែនឬអត់ថ្ងៃនឹង?" "បាទបងអត់ធ្វើការទេ មិចក៏អូនដឹង?" "អ្នកនាងខេកប្រាប់! យប់មិញពួកយើងវីដេអូខលរកគ្នានិយាយគម្រោងការណ៍បន្ត ពេលនិយាយដល់បងអ្នកនាងខេកលើកថាចង់ទៅលេងម៉ាក់ប៉ាបងតែទៅម្នាក់ឯងមិនហ៊ានព្រោះខានជួបយូរហើយទើបបបួលខ្ញុំទៅបានជាគ្នា" "សម្រេចជារួមគឺខេកចង់មកផ្ទះបងហើយអូនជួយជូនខេកមក?" "ចាស៎!" "អូនអត់ចង់មកលេងបងផងនឹងចឹង?" "ទេណា!មិញនឹងសម្រេចសម្រួលគ្នាថាមិនធ្វើបាបគ្នាមួយថ្ងៃ ហេតុអីឥឡូវបងរករឿងខ្ញុំ?" "មិនដឹងទេបើអូននិយាយអញ្ចឹងដាក់បង" "ការពិតខ្ញុំក៏ចឹងទៅដែរ ចង់ទៅដុតនំ ហិហិ" "និយាយអញ្ចេះមកគ្រាន់ស្ដាប់បន្តិច មកចុះរបស់របរដុតនំបងនឹងអោយគេរៀបចំទុកអូនចង់ដុតនំអីបងអោយគេឆែកមើលគ្រឿងផ្សំខ្វះអីអាងបងទិញថែម" "ចាស៎អរគុណ! ចង់ដុតDanish Custard" "អូខេ! អូនចង់មកស្មើរណាបងទៅទទួលអូន" "ទៅពេលរសៀលតែបងមិនបាច់មកយកទេ ខ្ញុំនឹងអ្នកនាងខេកមានគម្រោងទៅក្រៅបន្តិចមុនទៅផ្ទះបង" "អញ្ចឹងហ្អេស..?អោយជីជីតាមអូនផងទៅក្រែងលោគ្មានសុវត្ថិភាពណា" "ដឹងហើយ!" "អូហ៍..អូនមិនទាន់អោយលេខទូរសព្ទ័អូនមកបងទេស្តារ៍" វែននេសស្តារ៍ប្រញាប់រៀបរាប់ប្រាប់លេខទូរសព្ទ័ខ្លួនទៅអ្នកម្ខាងទៀត នឹងនិយាយលាគ្នារួចទើបដាក់ចុះ។ ការសំណេះសំណាលធ្វើអោយអារម្មណ៍ល្អទាំងព្រលឹមនៅពេលដឹងថាម្ចាស់បេះដូងមកលេងផ្ទះទៀត ហ៊ីណាន់ដូរឹតតែញញឹមខ្ជឹបតាំងពីលើដល់ក្រោម «វីល..!» ចៃដន្យចុះមកដល់ក៏ជួបជំនិតខ្លួននៅខាងក្រោមល្មម «បាទអ្នកប្រុស?» «ម៉ោង១២រសៀលនេះឯងជួយទៅការិយាល័យខ្ញុំហើយរៀបចំតុធ្វើការថ្មីអោយខ្ញុំផង» វីលមើលមុខម្ចាស់ទាំងចម្លែកចិត្តតែមិនហ៊ានដេញដោល «បាទ!» «អឺ..ចាំល្ងាចម៉ោង៥ចាំមកវិញ ធ្វេីរួចឯងទៅដើរលេងចុះខ្ញុំអោយពេលឯងដើរលំហែកម្សាន្ត» #heenando #heeseung #fyp #foryou

Chanelruby | មូន

Open In TikTok:

Region: KH

Thursday 09 July 2026 13:16:26 GMT