🌱የቅንነት ዋጋው ከሰማይ እንጅ ከምድር አይደለም።ውለታን ከፈጣሪ እንጅ ከሰው አትጠብቅ፣ ለሰወች በሰጠሁት ልክ ይሰጠኝ፣ ውለታየም ይቆጠርልኝ አትበል።ምናልባትም ዛሬ የምትደክምበት እንጀራ አንተ ላትበላው ትችላለህ፣ምናልባትም ዛሬ መስዎዕት የምትከፍልላት ፍቅረኛህ ባሰብከው ልክ አብራህ ላትዘልቅ ትችላለች፣ምናልባት ዛሬ በጥሩነትህ ብዙ ሰዎችን ከሞት ታድከህ ይሆናል፣በጣም ደግ ሩህሩህ በመሆንህ ከተረፈህ ሳይሆን ካለህ አካፍለህ ባንተ ድጋፍ እነሱ አልፎላቸው ነገር ግን አንተ ከነሱ በታት ሆነህ ዞር ብለው አላይህ ብለው ፊት ነፍገውህም ይሆናል።ታዳ አንተ ባደረከው፣በሆንከው፣ባሳየኸው መልካምነት ደስ ይበልህ እንጅ በሰጠኸው ልክ ምላሽ ፈፅሞ እትጠብቅ። ☑️አንድ አስተማሪ ቁም ነገር ላካፍላችሁ በፅሞና አንብቡትና ተማሩበት። 🌱በአንድ ወቅት አንድ የእንስሳት አርቢ ገበሬ ፈረሱ በጠና ይታመምበትና ወደ እንስሳት ሃኪም ቤት በመሄድ ለፈረሱ ህኪምና እንድሰጠው ባለሙያ ያማክራል። የእንስሳት ሃኪሙም ፈቃደኛ በመሆን ከሰውየው መኖሪያ ቤት ድረስ በመምጣት የፈረሱ ማደሪያ ቤት ገብቶ በጠና የታመመውን ፈረስ ከመረመረው በኋላ ፈረሱ ተላላፊ በሽታ እንዳለበት ያረጋግጣል። ሃኪሙ ለፈረሱ ባለቤት እንድህ ሲል ነገረው "ፈረሱ በተላላፊ በሽታ ስለታመመ ለሶስት ቀን መድሃኒት እንሰጠውና ካልተሻለው ወደ ሌሎች ፈረሶች እንዳይዛመት እንገለዋለን'' ብሎት ይሄዳል። 🌱ይህንን ሲያወሩ የሰማችው በግ ስቅስቅ ብላ በማልቀስ ለፈረሱ እንደምንም ብለህ ተነስ ካልሆነ ይገሉሃል በማለት ሲያወሩ የሰማችውን ነገረችው።ሃኪሙ መድሃኒቱን ወግቶት ሲሄድ በግ ለምለም ሳር እና አተላ ይዛለት በመጣች እንደምንም ተነስ እያለች ተማፀነችው።በሁለተኛው ቀን ሃኪሙ ሲመጣ ምንም አልተሻለውም ድጋሜ መድሃኒቱን ሰጠውና ለባለቤቱ ፈረሱ ምንም ለውጥ የለውም ነገን አይተን እንገለዋለን በማለት ይሄዳል። 🌱ወዳው በግ ለምለም ሳር አምጥታ ለፈረሱ በመስጠት አይዞህ እንደምንም በርታ እያለች አፅናናችው።በሶስተኛውም ቀን ሃኪሙ ሲመጣ ፈረሱ ከተኛበት አልተነሳም ምንም ለውጥ የሚባል አላየበትም።የመጨረሻውን መድሃኒት ለፈረሱ ከሰጠው በኋላ በቃ ብንገለው ይሻላል በማለት ከፈረሱ ባለቤት ጋር ከበር ቆመው ሲማከሩ በግ ፈረሱን በል ተነስ እንደምንም በርታ ካልተነሳህ ሊገሉህ ነው እኔንም ብቸኛ አታድርገኝ እባክህ እንደምንም ተነስና ቁም አለችው። 🌱ፈረሱም እንደምንም ብሎ ቆመ፣በል አሁን ደግሞ እንደምንም ብለህ ተራመድ አይዞህ እያለች በግ ስታለቅስ የተሰማው ፈረስ በእልህ ከዚህ በፊት ይሮጥ ከነበረው ፍጥነት በላይ መሮጥ ቻለ። በዚህ ጊዜ በግ በደስታ ጮኸች የፈረሱ ባለቤት እና ሃኪሙ ከምክክራቸው በማቋረጥ የምን ጩኸት ነው ብለው ሲዞሩ ያዩትን ማመን ከበዳቸው ፈረሱ በሃይል እየሮጠ ነው። በዚህ ጊዜ የፈረሱ ባለቤት ሃኪሙን በደስታ እቅፍ አድርጎ አመሰገነው። እረኛውንም ጠርቶ''ዛሬ ከእኔ ቤት ትልቅ ድግስ አለ''ቶሎ በሉና በጓን አርዳችሁ ለምሳ አድርሱልኝ🥲'' ብሎ አዘዘ። 🌱የአንዳንዶቻችን ህይወት እንደዚህ ነው።ብዙ የደከምንበት ስራ ሊያከስርን ይችላል፣ብዙ የሆንለት የልብ ወዳጅ የእኛ ላይሆን ይችላል፣በክፉም በደጉም አብረውን ይቆማሉ ያልናቸው ወዳጆች በድንገት ድራሻቸው ሊጠፋ ይችላል። በብዙ ፈተና ውስጥ ሆነን ከራሳችን ችግር በላይ ለእነሱ ቅድሚያ እየሰጠን በክፉም በደጉም ከጎናቸው ቆመን ስንት ውጣ ውረድ አብረናቸው አሳልፈን ከችግሩ ሲወጡ ከነመፈጠራችን ሊረሱን ይችላሉ። 🌱ክፉ ቀን ያወጣ ክፉ ቀን መስሎ ይታያል እንደሚባለው ልታስጠላቸው ትችል ይሆናል።ለዛም ነው ምላሽ ሳንጠብቅ መልካም መሆንና በንፁህ ልብ ሰዎችን ማፍቅር ያለብን። ሁሉንም ያለምክንያት መውደድ የሚገባን። ፈጣሪ ብሎ ወይም እህል ውሃችን ሆኖ ወይም እጣ ፋንታችን ሳይሆኑ ቀርተውም ሲለዩን በሰዎች ማዘን እና መፍረድ የለብንም። 🌱ፅድቅ ቢኖርም ባይኖርም ከክፋት ደግነት ሳይሻል አይቀም። በማህበረዊ ህይወታችን ከሰዎች ጋር በነበረን መልካም ምግባር ደስ ይበለን ፣በቃል አክባሪነታችን፣በታማኝነታችን እና በነበረን ንፁህ ፍቅር እንኩራ እንደሰትም። የደግ ሰው ሞቱ እረፍቱ ነው።የጥሩነት ዋጋው በምድር ሳይሆን በሰማይ ነው።የደግ ሰው ደመወዙ በሰማይ ነውና ምንም ምላሽ ሳንጠብቅ ደጎች እንሁን።ደግነት ምንም ምላሽ ሳይጠብቁ መስጠት ነው። ምስጋናን ጠብቆ ደግነት፣ምላሽን ጠብቆ መስጠት ንፉግነት እንጅ ደግነት አይደለም። 🤌🏾ሁሉም ሰው ይማርበት ዘንድ ሸር አድርጉት🫶🏾 እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን🙏እግዚአብሔር ብርሃኔና-መድሃኒቴ ነው። - @zelealem.official