@sis37516: ይድረስ ለተከፋሽው ውድ እህቴ ውስጥሽ ለተረበሸው በሰዎች ሰላምሽን ላጣሽው አምነሽ ለተከዳሽው መኖር ለደከመሽ ፣ ሕይወት ለታከተሽ ፣ የሚሰማሽ ላጣሽው ፣ የሚረዳሽ ሰው ላላገኘሽው ውድ እህቴ! ከችግሮች ብዛት የተነሳ ከሞት ውጪ ሌላ መፍትሔ አልታይ ላለሽ ነገ የተሻለ ይሆናል እና በተስፋ እግዚአብሄርን ጠብቂ አውቃለሁ ዙሪያው ገደል ሆኖብሻል:: ምነው ባልተፈጠርሁ እስክትይ ድረስ ተጨንቀሻል:: ግን ይህ ስሜት በአንቺ አልተጀመረም:: ሰው ሆኖ ተፈጥሮ ኑሮ ያልመረረው ማን አለ? መሞት ያልተመኘስ ማን አለ? ውድ እህቴ እመኚኝ ምክንያቱ ምንም ይሁን ምን መኖር ያላስጠላው ሰው በታሪክ ፈልገሽ አታገኚም:: ሞት ሞት የሸተተው ልቡ የተሰበረ ብዙ ነው:: አንቺ ላይ ብቻ የደረሰ ልዩ ፈተና የለም:: "ለሰው ሁሉ ከሚሆነው በቀር ምንም ፈተና አልደረሰባችሁም፤ ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው፥ ትታገሡም ዘንድ እንድትችሉ ከፈተናው ጋር መውጫውን ደግሞ ያደርግላችኋል" ይላል መጽሐፍ:: 1ኛ ቆሮ. 10:13 ምናልባት የልብሽን መሰበር የኀዘንሽን ጥልቀት አይቶ ምቹ ጊዜ አገኘሁ ብሎ ራስሽን እንድትጎጂ ሰይጣን ሊገፋፋሽ ይችላል:: እንዴት እንዲህ ዓይነት ሃሳብ በልቤ ሊመጣ ቻለ ብለሽ አትረበሺ:: ሰይጣን ይህንን ክፉ ሃሳብ ላንቺ ብቻ ሳይሆን ለክርስቶስም አቅርቦለታል:: "የእግዚአብሔር ልጅስ ከሆንህ፥ ወደ ታች ራስህን ወርውር" ብሎ ክርስቶስን እንኳን [ማንነቱን ሳያውቅ] ራሱን እንዲወረውር ሊገፋፋው የሞከረ ደፋር ነው:: አሁን ያለሽበት ችግር ያልፋል:: የሚሰማሽ ክፉ ስሜት መቼም የማይለወጥ አይምሰልሽ:: ኀዘኑም ፣ ብቸኝነቱም ፣ ተስፋ ቢስነቱም ያልፋል:: ጨለማው ይነጋል:: የተዘጋው በር ይከፈታል:: ችግሩ ሲፈታ አንቺ ከሌለሽ ግን ትርጉም የለውም::#Myንስሯ✍️ #fypシ゚viral🖤tiktok☆♡🦋myvideo

🎧🎼ንስሯ🦅

Open In TikTok:

Region: SA

Thursday 09 July 2026 15:19:17 GMT