@its_paindu: مخلص ہونا اس دنیا میں سب سے بڑی کمزوری سمجھا جاتا ہے۔ جب تم کسی کے لیے دل سے وفا کرتے ہو، اپنا وقت، اپنی عزت، اپنا بھروسہ اس کے نام کر دیتے ہو، تو کچھ لوگ اس خلوص کو تمہاری حماقت سمجھ لیتے ہیں۔ وہ تمہاری وفا کو بازار میں تماشا بنا دیتے ہیں۔ تمہارے راز کو محفلوں میں اچھالتے ہیں۔ تمہاری مجبوری پر ہنستے ہیں۔ تمہارے جذبے کا مذاق اڑاتے ہیں۔ اور سب سے زیادہ تکلیف تب ہوتی ہے جب یہ کام کوئی غیر نہیں، بلکہ تمہارا اپنا کرتا ہے۔ وہ اپنا جس پر تم نے آنکھ بند کر کے اعتبار کیا تھا۔ یاد رکھو، دشمن کا وار تو سمجھ میں آتا ہے، مگر اپنوں کا خنجر روح تک چیر دیتا ہے۔ ایسے لوگ معافی کے لائق نہیں ہوتے۔ کیونکہ معافی اسے دی جاتی ہے جس سے غلطی ہو جائے۔ مگر جو جان بوجھ کر تمہارے خلوص کو روندے، تمہیں دنیا کے سامنے ذلیل کرے، وہ غلطی نہیں کرتا، وہ جرم کرتا ہے۔ رشتے کا تقدس پامال کرنے والے کو اگر تم معاف کر دو گے، تو کل وہ پھر یہی کرے گا۔ معاف کرنا بڑا ظرف ہے، مگر ہر جگہ معافی نہیں دی جاتی۔ کچھ زخم ایسے ہوتے ہیں جنہیں مندمل نہیں ہونے دینا چاہیے، تاکہ آئندہ کوئی تمہارے خلوص کو تماشا بنانے سے پہلے سو بار سوچے۔ اس لیے سخت دل بنو۔ جو مخلص کی عزت نہیں کر سکتا، اسے اپنی زندگی سے نکال دو۔ چاہے وہ بھائی ہو، دوست ہو، یا خون کا رشتہ۔ کیونکہ جس نے ایک بار تمہارے خلوص کا تماشا بنا دیا، اس نے ثابت کر دیا کہ وہ تمہارا کبھی تھا ہی نہیں۔

Kashmiri...!!

Open In TikTok:

Region: ES

Thursday 09 July 2026 17:15:37 GMT