@m_2000_13: الرد على @i66i44 البارت49 كله يمعود ماقصد كله "لا..تقصد تقصد..قابل انه غشيم ماعرف سوالفك" خالو سلطان مسح وجهه بقله حيله وجدو كال لعلي"ولك عوفها خل تروح تاكل لهسه ماماكله"كتله اي والله جدو محد يحس بيه بس انت..بهلاثناء ماما دخلت وهيه شافتني هيه طكتها هلهوله رجت البيت رج ضليت مصدومه واجت بسرعه جرتني وبوستني"بلمبارك يمه بلمبارك"كتلها ماما عليمن ترا فسخت مو اتزوجت كالت"اي يمه والله فرحتلج"وعافتني وراحت تسلم ع جدو وخوالي واني مامستوعبه وكعدت بين جدو وخالو سلطان خالو كللها "شلونج ام ملاك ان شاء الله بخير"كلتله بخير ونعمه خويه دامك بخير"كال الولد شلونهم كلتله"كلهم يسلمون عليك ويبوسون ايدك خويه"وكعدو سويه وضلو يحجون ماما كلتله"خويه لا تمر عليه لا تكول اخيتي هيج مو عزيزه عندك"ابتسم وحضنها لصدره وهو يكللها"لا بـويه عزيزه ام الغاليه انتي شلون مو عزيزه بس ياخويه شوفه عينج الشغل ماملحك عليه"وعلي كال "اي خيتي انتي ام الغاليه بعد شلون مو عزيزه"وخالو سلطان همس لا حول الله كلتله اي خويه معذور معذور بس اطلبك زياره هااا ابتسم وكللها تدللين من هاي العين كبل هاي العين كتلها ماما اني همات اجيج وياا كالت"لا يمه شلي بيج انتي ابقي يم جدج اهم شي اخويه يمر عليه ويرفع راسي كدام زلمتي"كتلها"ياا ماما لعد اني مارفع راسج كدام زلمتج"كالت "لا يمه مو مثله شحلاته لو طب بيتي"كتلها ماااامااا كالت ولمااا تردين اجذب عليييج باوعتلهه صفح وعفتهم ورحت للمطبخ اسوي اكل متت جوع ومر شهر تقريبا نفس الروتين بين الدوام والبيت واليوم رجعت تعبانه من الداوم اكلت ونمت حسيت الساعة بـ 3 ونص بليل البيت هدوء وكلها نايمه نزلت اتوضى علمود اصلي صلاه الصبح وصلت للصالة وگفت بمكاني..اتفاجئت بخالو ​سلطان جان نايم بعمق بس هو وكاعد ع القنفة الضاهر من التعب وميدري بروحه من نام لان راسه مسنود على الحافة مال القنفه وركبته مايله وقميصه الرسمي مفتوح دگمتين وبـشكل لا إرادي مبين تفاصيل صدره وعرض چتافه اتقربت خطوه شفت مخده صغيره ع القنفه الثانيه مانطاني گلبي اعوفه هيج نايم للصبح بدون ماعدل نومته اتقربت عليه ومديت إيدي بحذر وخليتها جوه ركبته رافعه راسه بهدوء وخليت المخده جوه راسه فز وفتح عيونه الحادة وبنفس الوقت مال بجسمه فقدت توازني وايدي الجانت تخلي المخده جوه راسه وكعت لا ارادي ع صدره جانت عيونه حمر من النعاس ويفتح ويغمض ببطئ همس بصوت خشن ونعسان مَـلك ابتسمت لا ارادي من لفظ اسمي واول مره انتبه للون عيونه لان قريبه عليه وداشوفهن بوضوح صح سود بس طووخ كلش وحادات مميزات ثواني ورجع نام رجع لـعالم ثاني حسيته ما حاس بـالدنيا بقت عيوني مركزه بتفاصيل وجهه وعكده حاجبه وهو نايم بدون ماحس ع نفسي ثواني وبعدت ايدي عن صدره بهدوء وابتعدت عنه وطلعت من الصاله واني ماعرف شبيه هزيت راسي ورحت غسلت وجهي واتوضيت ورحت صليت ونمت وصرت اروح وارجع ويه معتصم يوديني اني ومريم للجامعه ويرجعنه وآدم جان موجود نشوف بعض بالممرات بالسنتر بالمكتبة جنت أتجنبه بكل قوتي أغير طريقي مرات گاعدة بالمحاضرة أو بالمكتبة أحس بـنظرات تخترقني ألكاه هو يباوعلي من بعيد عيونه مليانة عتب وحب شهر ورا شهر والروتين صار قاتل....

نفــــــــس❤️

Open In TikTok:

Region: IQ

Thursday 09 July 2026 17:55:18 GMT