عشق ایک آگ ہے—مگر وہ آگ جو جلاتی نہیں، نکھارتی ہے یہ وہ نورانی تپش ہے جو اللہ کی طرف سے دل میں ڈالی جاتی ہے۔ جب یہ آگ دل میں اترتی ہے تو نفس کی میل کو پگھلا دیتی ہے، خواہشوں کی زنگ آلود دیواریں گرنے لگتی ہیں، اور دل شفاف آئینے کی طرح اپنے رب کا عکس قبول کرنے لگتا ہے۔ یہی وہ عشق ہے جس کا ذائقہ انبیاء علیہم السلام، اولیاء اللہ اور صادقین نے چکھا یہ آگ حضرت موسیٰؑ کو طور پر ملی، محمد ﷺ کو غارِ حرا میں نور بن کر عطا ہوئی، اور ہر اس دل میں زندہ ہوتی ہے جو خود کو مٹا کر اللہ کے سپرد کر دے۔ یہ آگ جہنم کی نہیں، قرب کی ہے۔ یہ دل کو جلاتی ہے مگر گناہوں کو، یہ انسان کو توڑتی ہے مگر غرور کو، یہ تکلیف دیتی ہے مگر شفا کے لیے۔ جب یہ آگ بھڑکتی ہے تو آدمی دنیا کے شور میں رہ کر بھی اندر سے خاموش ہو جاتا ہے، اس کی نظر لوگوں پر نہیں اللہ کی رضا پر ٹک جاتی ہے۔ یہی آگ “فنا” کی ابتدا ہے،اور اس سے “بقا باللہ” کا در کھلتا ہے۔جو اس آگ سے گھبرا گیا وہ رک گیا، اور جو اس میں جل کر صبر کر گیا وہ محبوب کے قریب کر دیا گیا۔ یہ آگ صرف اپنے لیے نہیں جلتی، یہ جل کر روشنی بنتی ہے تاکہ دوسرے اندھیروں سے نکل سکیں۔ یہی وجہ ہے کہ سچا عاشق خاموش ہوتا ہے مگر اس کی خاموشی دوسروں کے دلوں کو زندہ کر دیتی ہے پس جس دل میں اللہ کی محبت کی آگ آ جائے وہ دل خاک نہیں رہتا. وہ دل چراغ بن جاتا ہے #عشق_حقیقی #ھو #صوفی #growmyaccount #foryou - @wajdanahmed35