‏تراليتشا التوت الأسود 🖤♥️ المقادير: ست بيضات ‏رشة ملح ‏180 جرام سكر ‏170 جرام طحين ‏ملعقة فانيليا ‏10 جرام بيكنج بودر الطريقة: اول شي نفصل البياض عن الصفار تماماً ونبدا نخفق البياض مع رشة ملح اعلى سُرعة ‏ونبدا نضيف السكر على دفعتين ثلاث ونستمر بالخفق لما يصير قوامه ثقيل نفس الفيديو وبعدها نضيف الصفار وننقص السرعه للوسط ‏نبغاه يمتزج مع بعض بس ونترك الخلاط مانستخدمه خلاص ‏بعدها نضيف الفانيليا وال ١٠ جرام بيكنج بودر وال ١٧٠ جرام طحين ( ضروري يكون منخول ) ‏الطحين نضيفه بالتدريج وبالسباتولا نبدا نحرك من تحت ل فوق نفس الفيديو علشان مايطلع الهواء من الخليط ولصينيه عليها ورق زبده اذا كانت الخطه انكم تقلبون الكيكه علشان تحصلون سطح مستوي اذا ماتبغون تقلبونها نزلو الخليط بصينيه مدهونه زيت ونوزعه بلطف ونطق الصينيه كذا مره علشان يتساوى الخليط ولفرن مُسبق التسخين على حرارة ( ١٦٠ ) بالوسط ٢٥ دقيقه ل نص ساعه بالضبط وطلعوها • مانفتح الفرن ابداً لأنها تخرب الكيكه لما تستوي الكيكة نطلعها من الفرن نتركها تبرد تماما لما بردت قلبتها وفكيت ورق الزبدة عنها وسقيتها بالحليب و للفريزر • الحليب بارد والكيكه بارده • ⁠او بحرارة الغرفه اهم حاجه مافي شي منهم حار الحليب: ١٢٠٠ مل حليب طازج ‏٢٥٠ مل كريمة خفق ‏فانيليا ‏250 جرام سكر ‏نذوب السكر و نطفي النار على طول مانبي الحليب يغلي طبقة الكريمة: ٣٥٠ مل كريمة خفق ونخفقها وندهنها على وجه الكيكه بعد ماشربناها الحليب وندهن الكريمه ع الوجه كامل بشكل متساوي وللفريزر التوت: ٥٠٠ جرام توت ٤ ملاعق سكر كاسة مويه (نص ملعقة نشا مع ملعقتين مويه بارده ) ‏أنا اخترت التوت الأسود وحطيته على النار مع السكر وأضفت كاسة موية ‏ورفعت للنار لما بدأ يغلي قصرت لها وغطيت عليه ‏• ضروري نغطي علشان يذبل التوت ‏لما نشفت ‫ثلاث ارباع‬ المويه هرست التوت بالشوكه ونزلت نص ملعقة النشا الي خلطناها بالمويه البارده وخلطتها مع التوت دقيقه وطفيت على طول ورفعت الصوص عن النار • توقعت الهرس بالشوكه يكفي بس حسيت ان باقي توت ف اخترت اني اطحنه طحنته وب مصفاه فصلت التوت عن البذور ‏وحطيته بكيس وربطته ‏آخر حاجة طلعت الكيكة من الثلاجة أنا اخترت أعمل الشكل الي تشوفونه ف الفيديو ‏اللي عنده مشط كيك يقدر ينفذ فيه انا ما كان عندي غير عود شواء ونفذته فيه وماكان صعب ابداً ‏وتقدرون تعملون نفس شكل التراليتشا المشهور أو تعتمدون الشكل اللي أنا عملته أو حتى بس تصبون الصوص وخلاص • كنت بين كل خطوة و وخطوه خطوة أدخل الكيكة بالفريزر يعني بعد ما صبيت الحليب دخلتها للفريزر • ⁠بعد ما حطيت الكريمة دخلتها الفريزر • ⁠وبعد ما حطيت الصوص دخلتها الفريزر كان هدفي أنها تبرد بسرعة وما يسيح شي على شي استخدمت ف التزيين: توت العليق الأسود التوت البري اوراق التوت وبس الي يعملها يشاركني رايه او صورة 🖤 ومليون عافيه ♥️ #كيكة #وصفات #حلويات #طبخات #creatorsearchinsights - @mais..02