@captainali92: پھول بازار میں سجے ہوں گے، رنگ بکھرے ہوں گے، صدائیں ہوں گی، قیمتوں کے حساب ہوں گے مگر خوشبو کا کوئی مول نہیں ہوتا۔ وہ جو شاخوں پہ خامشی اوڑھے، دھوپ، بارش، ہوا کو سہتا ہے، اپنی مٹی سے رشتہ رکھتا ہے تب کہیں جا کے گل مہکتا ہے۔ گل فروشوں کو کون سمجھائے؟ اس کی خوشبو اسی سے آتی ہے۔ جڑ سے کٹ کر تو حسن باقی ہے، پر وہ زندہ اثر کہاں باقی؟ رنگ آنکھوں کو بھا بھی جائے اگر روح کو وہ خبر کہاں باقی؟ ہر تعلق کی ایک مٹی ہے، ہر محبت کی ایک بنیاد، جو وفاؤں کی جڑ کاٹ دے اس کے حصے میں رہتی ہے فریاد۔ ہم نے دیکھا ہے وقت کے ہاتھوں کتنے چہروں کے رنگ ڈھلتے ہیں، جو اصولوں سے منہ موڑ لیتے ہیں، وہ بھی آخر کہیں بکھرتے ہیں۔ پھول صرف اک بدن نہیں ہوتا، اس میں موسم کی سانس رہتی ہے، ماں کی دعاؤں کی نمی ہوتی ہے، باپ کی محنت کی پیاس رہتی ہے۔ جس نے کانٹوں کو گلے لگایا ہو، صرف وہی گل کی قدر جانتا ہے، جس نے بچھڑنے کا دکھ سہا ہو، وصل کا لطف بھی وہی پاتا ہے۔ گل فروشوں کو کون سمجھائے؟ اس کی خوشبو اسی سے آتی ہے۔ خوشبو کو قید کر نہیں سکتے، عشق بیچا خرید نہیں سکتے، جو حقیقت سے رشتہ توڑ دے، وہ سکون پھر کبھی نہیں پاتا۔ یاد رکھنا، یہ پھول کہتے ہیں، اپنی مٹی سے جڑے رہنا، جڑ سلامت ہو تو خزاں میں بھی، امید کا اک چمن مہکتا ہے۔ ❤️🫂

حقیقتوں سے آشنا لڑکا🎭

Open In TikTok:

Region: SA

Thursday 09 July 2026 20:26:53 GMT