មនុស្សស្រីត្រូវតែរៀនឱ្យបានខ្ពស់ កុំទោរទន់តាមផ្នត់គំនិតសង្គមថា «មនុស្សស្រីត្រូវតែចេះការងារផ្ទះ ត្រូវតែពូកែការងារផ្ទះចង្ក្រានជើងឆ្នាំង» ជាដើម។ កត្តានេះកំពុងទាញទម្លាក់ឱកាសរបស់មនុស្សស្រី មិនអាចឱ្យពួកគេមានពេលវេលាគ្រប់គ្រាន់ដើម្បីពង្រីងចំណេះដឹងខ្លួនឯងដែលធ្វើឱ្យមានភាពពិបាកក្នុងការអភិវឌ្ឍសមត្ថភាព ដើម្បីចូលប្រឡូកក្នុងសង្គម។ ជាក់ស្ដែងនៅក្នុងសង្គមសព្វថ្ងៃ ការងារក្នុងភាពជាអ្នកដឹកនាំ និងមានអំណាចសម្រេចចិត្តមួយចំនួនដូចជាមន្រ្តីរាជការ អ្នកដឹកនាំ អ្នកគ្រប់គ្រង…ភាគច្រើនគឺជាបុរស។ អ្នកម្ដាយលោកឪពុកគ្រប់រូប ត្រូវបង្ហាត់បង្រៀនកូនស្រីឱ្យចាប់យកការសិក្សាជាចម្បង ជាជាងឱ្យកូនស្រីចេះតែការងារផ្ទះ ព្រោះការងារផ្ទះបុរសក៏អាចធ្វើបានដូចគ្នា មិនមែនទល់តែមនុស្សស្រីទើបមានភាពប៉ិនប្រសព្វធ្វើនោះទេ។ នៅពេលដែលមនុស្សស្រីខ្វះសមត្ថភាពគ្រប់គ្រាន់ ពួកគេត្រូវបានគេចោទជាសំនួរថា «បើគាត់គ្មានសមត្ថភាពផង តើឱ្យធ្វើការងារធំ ឬអ្នកដឹងនាំយ៉ាងម៉េចទៅ?» ដូចនេះ ដើម្បីឱ្យមនុស្សស្រីអាចមានពេលវេលាគ្រប់គ្រាន់ កុំបង្កើតឧបសគ្គ ឬរបាំងផ្សេងៗចំពោះពួកគេ ត្រូវតែប្រាប់ទៅមនុស្សស្រីថា «ការងារផ្ទះមិនមែនជាតួនាទីរបស់មនុស្សស្រី វាជាការងារសម្រាប់មនុស្សទូទៅ អ្នកណាក៏អាចធ្វើបានដូចគ្នា»។ ពេលនោះហើយ មនុស្សស្រីអាចមានពេលវេលាគ្រប់គ្រាន់ និងគ្មានសម្ពោធពីសង្គមបន្តទៀត ហើយនឹងអាចបើកឱកាសដល់ពួកគេអាចបានពង្រីក និងពង្រឹងសមត្ថភាព ចំណេះ និងជំនាញរបស់ខ្លួនបានច្រើនបន្ថែមទៀត។ #fyp #famous #trending #viral #trendingtiktokviral - @genfree.srey