@abdu_llah.2: أشوف هالكلام بيه جزء صحيح، لكن مو ينطبق على كل الناس وكل المواقف. الحياة مو دائمًا بسيطة لدرجة إن مجرد كلمة "تصالح" تحل كل شيء. مرات الإنسان ينجرح بطريقة تخليه يفكر ألف مرة قبل لا يرجع لنفس الشخص.أشوف الكلام مناسب، ومو مناسب بالنسبة إلي. أشوف سهل الواحد يكول: "تصالح ويا الناس اللي تحبهم"، لكن بالواقع الموضوع صعب. إذا يحبوني، ليش يجرحوني أو يسوون شي مو زين إلي؟ بالنسبة إلي، أگدر أسامحهم، بس إذا شفتهم متغيرين فعلًا، لأن التغيير يثبت إنهم عرفوا غلطهم وحاولوا يصلحوه. أما إذا ما متغيرين، فما أگدر أسامحهم أو أرجع مثل قبل، لأن راح أخاف يتكرر نفس الشي مرة ثانية.بس بالنسبة للعائلة أو أهلي، الموضوع يختلف بالنسبة إلي. أشوف أگدر أسامحهم حتى لو ما متغيرين، لأنهم جزء من حياتي ومكانتهم تختلف عن أي شخص ثاني. هذا مو معناه إني أشوف اللي سووه صح، ولا إن الجرح يروح بسهولة، لكن رابطة الأهل تبقى مختلفة. وبالنهاية، أشوف التصالح مو واجب على كل إنسان، ولا هو دليل على القوة دائمًا. مرات القوة إن الإنسان يعرف منو يستحق فرصة ثانية ومنو لا. بالنسبة إلي، أي علاقة حتى تستمر تحتاج احترام، وتقدير، وتغيير حقيقي، مو مجرد اعتذار أو كلام، لأن الأفعال هي اللي تثبت صدق الإنسان، مو الكلمات. #ironfist #fyp #foryou #foryoupage #iraq

𝓐𝓫𝓭𝓾𝓵𝓵𝓪𝓱 𝓨𝓪𝓼𝓼𝓮𝓻

Open In TikTok:

Region: IQ

Friday 10 July 2026 02:38:23 GMT